يقول تركي رجا ( لـ الليالي ف الظلام المعتم كفوفٍ بخيلة ) .. بكل بساطة ينارس الرسم والتلوين في حروفه ..
كما يقول في مكان آخر ( تولد احلام الفتى بين المآسي و الضلاله ) … يتقن في قوله الكثير من حرفية صياغة الكلام ..
حضور من نور لشاعر قادم من قمم الشعر .. نقرأه هنا:
لـ الصباح انفاس ينفثها على الضايق جماله
ولـ الليالي ف الظلام المعتم كفوفٍ بخيلة
بين واقع ينكر اصحابه و بين الاستحاله
شفت انا من يكسر الحاجز ومن هو ينتمي له
تولد احلام الفتى بين المآسي و الضلاله
لين يوئدها او انه يسلك الرحلة طويلة
والظروف تعين من هو ياخذ ظروفه دلاله
ما يمد رجوله ويشره على لحافٍ يشيله
واليؤوس ان كان حلمه في يده ما طاب فاله
لو يشاك برجله يخاف الطريق و يستحيله
ولا انا بعت الاماني بيعة الطيّب حلاله
ما وقفت ولا قنيت من المشي ثوب الفشيلة
بالفراغ اللي يشوفه سالك الفرقى قباله
وبالمكان اللي يثير الشك في راس الدليله
ذبت شعوري مثل ما ذبت اوراق الرسالة
واستحالت لـ السنين الممحلة من دون حيله
غاية العاشق وسط قلبه تموت من الجهاله
ما يبررها حنين ولا تبررها وسيلة
بابٍ عبرته الى الفرقى و مرت من خلاله
اختفى من بعدها بين الكرامة والفشيلة
شعر : تركي رجا
مبدع كعادته ❤️