الشعر الشعبي

الأبوذية ، أصوات من الجمال .. / إعداد : سموّ

نشر الموضوع :

إعداد : سموّ

تعتبر الأبوذية من فنون الشعر الشعبي الجميلة في منطقة العراق . وهي فن تختص به اللهجة العراقية الجميلة .

تميزت بعضوالاسماء الشعرية في كتابة ال أبوذية . كما تأثر بها الكثير من شعراء الخليج وخصوصا الشباب من الأجيال المتأخرة .

في هذه الزاوية نحاول استعراض هذا الفن الذي يقارب إلى حد كبير وزن الصخري المشهور في الشعر الشعبي الخليجي إلا أنه يتكون من هيكل محدد من أربعة أشطر بقافية رابعة ثابتة على حروف ثابتة هي الألف المكسورة والياء والهاء . مع اختلاف القافية في الأشطر الثلاثة الأولى .

‏(١)
اليحبونك بصدك لا تسلهم
وأبد عن سبب حبك لا تسألهم
من احجي وياك عفيه لا تسلهم
أحس تاخذ الروح بغير جيَه
(جبار رشيد)

‏(٢)
حميتك دافعت عنك ورَ حماك
الطعن أهون ولا ألوذن ورَ حماك
ولوك وكلت ما أولي ورحمك
أنوليت وطيبتي عمت عليَ
(سمير صبيح)

‏(٣)
الشوك وياك صدفة قابلاني
شيجي منك عليَه قابل آني
تغشمرني بضحكتك قابل آني
غشيم وتعبر الضحكة عليَ
(توته)

‏(٤)
غفيت وفززاني العود والناي
ولهذا سمعيت الناس وناي
أشوفك وانشده وحتار ويني
أحس ماكو من امد أيدي عليَه
(وسام الأسدي)

‏(٥)
عليك ألقيت حجة وألقي يامَه
وبذنك يامَا أحجي وألقي يامَا
تدري الحشر شنهو والقيامة
القيامة والحشر بعدك عليَه
(سمير صبيح)

‏(٦)
كبل عنكود خدك يمي داني
سطيت وجفن عينك يمداني
أغم كصتي وكولن يمداني
يمي وما خذت ثاري بديَه
(ستار اللامي)

‏(٧)
إبتليت وشال كلبي بابليَه
ومنك خذت بابل بابلية
بعد للبيت ما أحط باب إليَه
لأنَه بدكتك يأخرك عليَ
(توته)

إعداد – سمو

تويتر : @smo0o085

Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x