الشعر الشعبي

الطيب.. / للشاعر القطري: عبدالرحمن الحمادي …

نشر الموضوع :

image

للطَيب اللي من عنا الوقت ماجور 

                       اسلم وتسلم في زمان العجايب 

لاصرت انا عاذرك هالناس  بتجور

                              بتدور الزله وتبغي سبايب 

ماتدمح الغلطه ولا تسمع الشور 

                    يمكن بعد تسعى لشب النشايب

قالوا وسوو واكشفوا شي مستور

                        والعوق لاجاك   البلا بالقرايب 

لي حزة الحزه غدا الكل معذور 

                         كنك تبيهم في ديون وطلايب 

اللي وقف في حزة الضيق مشكور 

              واللي اختفى في حزة الضيق خايب 

رجال والرجال عيب انه يبور 

                     يحكون بأفعاله اذا صار شايب 

والصاحب اللي في فعايله مخبور

                   نشره عليه ان كان مقفي وغايب

ولا   الردي  بيبور و يلف و يدوور

                       ويميل   لاهبت عليه الهبايب 

الطيب يا اهل الطيب مامنه محذور

                   الا على ملعون  خير و صلايب  

شعر: عبدالرحمن الحمادي – قطر

Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x