الشعر الشعبي

عقبك عدم / للشاعرة : حنان العجمي ..

نشر الموضوع :

sadlady

 

لحرفها إحساس يسكن أعماق القلوب شاعرتنا الجميلة دائماً حنان العجمي وحضورها الفاخر في قصيدة البوح لعشاق الشعر الحقيقي ..

 

نقرأ لها هذا الجمال :

 

عقبك عدم  /و يحزّ بالخاطر :هدم
من حبّي الواجد جحيمك كان ديم

‏خلّ المعاتب والمكابر والندم
وش آخرتها ؟والوصل حلمه عقيم

كمٍّ سنه وآنا أشرب وآكل وهم
و أشْرح مدى مملي عقب فرقاك ضيم

ما يشبه غيابك سوى لحظة ألم:
(لا مرّت الدمعه على خدّ اليتيم)

قد قيل لي من خاف ياعمري سلم
شفني أخاف ووجهتك :وجه اللئيم

من صيتي الرنّان لي كبر الاسم
لين التفاتاتي على عمرٍ قديم:

أمشي لك بقلبي قبل ساق وقدم
وآحبك بعقلي بعد والله العظيم

تمرّك الذكرى مثل جرّة قلم
وتاخذني لـ مدري كثر (هبّ النسيم)

هاك الـ بقا من قبل ما : هاك النسم
اللي بقا (ياوي) ضياعك يالنديم

أشهر من الطعنه على نار العلم
طيحة حشيمٍ من جهل : قلبٍ حشيم

أنا حزينه / ياكل بجوفي ندم
جسمي سليم وخافقي ماهو سليم

 

 

شعر : حنان العجمي

دعم المشاريع الأدبية المساهمين في دعم المشاريع الأدبية
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x