هو شاعرٌ عذب , يكتب للشعر فقط , قصيدته مبسطة حد البساطة , لا يحمل في قلبه إلا الإبداع والسهولة في رسم مشاعره للقارئ ..
الشاعر عبدالرحمن مازن العطاوي أحد أعضاء منتديات أنهآر الأدبية , لنا وقفه معه في [ نبض شاعر ] هنا لنقدمه بطريقتنا الخاصة :
قال في إحدى لياليه يتحدث مع طيف زائر :
وأنت في جمله قصيره"رمش عيني والعيون"
وأنت في كل الدقايق فكري لامنـي سهيـت
وإنت شعري والقصايد وأنت عزفي والفنون
وانت حظي وأمنياتي يومي أتمنـى وجيـت
وأنت لي نظرة وبسمه بإنطواءات الجفـون
وإنت لي خـدٍ تطـوى بإبتساماتـه حييـت
وأنت جوّي لاستوالي بالسحايب والمـزون
وأنت قطرة فوق صدري منها مره مارتويت
وقال ذات قصيدة موضحا ً الأمور لمن يحب :
إذا كان الغلـط منـا لـزوم إنـك تسامحنـا
وإذا كان الغلط منّك على عيني أنـا حاضـر
بسامح لو غلطك أقسم لـه سنيـن مزعلنـا
وأبرضى دامك الغالي وأصير العاشق الصابر
رجيت الناس والعالم وكل اللي عـرف (إنّـا)
نعيش وقلبنا واحد على صدق ووفـاء زاهـر
إذا غبت الوفاء نادى (سهام الشوق تقتلنـا)
وإّذا جيت لعيون الشوق عشانك قامت إتكابر
وعندما يرى دمعاتهـا :
إلا بكت ماعـاد أعـرف أخـري مـن أولـي
ياليل جيتك خابرٍ لـي عنـدك أفضـال وقـدر
كم ساعةٍ اضفتها حزن وقهر فـي جدولـي .!
ساكن معك ومسامرك تعطيني وأعطيك السهر
ماأشحّ لك قصائدي ..ولاشح لك في مواصلي.!
والله ماقوى دمعها يـذرف وانـا الّـد النظـر
ماأطيق اشوف أجوائها تشكيّ مباعـد منزلـي
وفي لحظة خاصة يقول العطاوي :
كانت ورب اليتامى منيتي وصارت منايـا
وجاتني جيّت مليك عايفٍ مليـون دولـه
مستحيل إني اقول بشوفها (شفت وكفايـا)
لو بيديني كان أحقـق ماأبيـه وماأنولـه
(غايتي وصلٍ معاها) (بعدها هم وعنايـا)
قربها نصرت شجاعٍ منتصر عقب البطوله
وعندما يطلب , يطلب بكل حب فيقول :
طالبكّ .! عودي وأنا اللي لو بعدتيّ تسهرينه
طالبكّ شوفي وش اللي لبسّ إعظامي ذنـوب
طالبكّ يانبض قلبي .. ياشـذاه ..وياسمينـه
عطريّ جوّ الرياض .. وفرحيّ كل الشعـوب
وعندما يرسم لوحته الشعرية .. يقول في هدوء تام :
على كثر القصيد اللي وسط صدري نظمته فيـك
وعلى كثر الحروف اللي تعبرّ لك غلا وجنـون
وعلى كثر الكلام اللي يضيع إليا لفـى طاريـك
أسجّ وتصبحّ الدنيا على الطاري فرح وشجـون
ألا يالليله اللي سـاريٍ نجمّـك قبـل لاانهيـك
خطفتيني كذا فجأه .. وسريت وخاطري مغبـون
تجين اللؤلؤ الفتنه وانـا مـن لهفتـي أجيـك
جنون الشاعر اللي من هوى الفتنه سرى مفتون
وعندما ينتقد الأوضاع .. أو لنقل عندما ينزعج من الواقع يقول :
حياتنا اللـي كـل ابوهـا ملـذات
ضاعت مابين الرقص واهل الغناوي
والساحه اللي طّوقتهـا التفاهـات
خلت شبيه البـوم مثـل النـداوي
والهرجه اللي ذاعها خالـي الـذات
خلـوه يتبـع لابسـات الغطـاوي
قولوله اني فوق هـام الطويـلات
متربـعٍ عرشـي ولانيـب خـاوي
فكر وقصيد وفوق هـذا طموحـات
ماني من اللي به تخيـب الهقـاوي
وهنا.. نجد العطاوي يقدم النصائح الذهب لمن يحمل لهم الود في قلبه :
ياخوي كأنك تجهـل أمـور وأمـور
هاك النصائح واستمـع لـي دقيقـه
منتّه على بعض المخاليـق مجبـور
ولنتّه من اللـي يجهلـون الحقيقـه
إحذر.. تماشي لك من الناس مطيـور
بعض البشـر لازم تحاشـى طريقـه
خلك مع أهل العرف والطيب والشور
مـا للأنـيـق إلا ثـيـابٍ أنيـقـه
هنا نقف , ولنا نبض آخر ..............
