خاص لأنهآر
تحقيق - معربة الجدين :
درةٍ في وسط محـارة نقيـه
والعبايه حافظه حرمة حياها
ياهلا بك والبيارق لك هديه
ياهلابك والعذارى بك تباها
للفخر في جيتك مليون جيـه
والوقار بحشمتك قام يتزاهـا
قم لها لاقيل عيـدا الجهنيـه
ودق لها جل التحايا مع وفاها
الشاعرة : معربة الجدين
عبر مجلة أنهآر الأدبية , جاء عربون الوفاء الذي قدمته أكثر من (20) شاعرة يتجلى في مشاعر حب صادقة من شاعرات الخليج قاطبة , لشاعرة المليون عيده الجهني ,من الكويت , السعودية, عمان , قطر , البحرين ودولة الإمارات العربية المتحدة , لتجتمع هذه المشاعر الصادقة على هيئة باقة من الشعر تقدم لسفيرة شعر النساء ( وحيدة السعودية ) , الشاعرات يهنئن عيدة الجهني في شعر تفوح منه العزة بشعر النساء وبسفيرته :
تفخر بك أنفاس القوافي والحروف
يامبدعة ياشامخة يافريدة
أنثى تعدت بالشعر أولى الصفوف
ترسم مشاعرها أنامل فريدة
تمشي بخطوتها كذا من غير خوف
عيده وتفاخر بإسمها ألف عيده
الشاعرة : أصيلة السهيلي
بيض الله وجه ناصرة النسا
شاعرة وتطغى على البث المسائي
(عيده ) اللي شعرها مايننسا
خالد ٍ في سيرة الشعر النسائي
الشاعرة : هنادي الجودر
تمنينا طويلا شاعرة مثلك تشرفنا
وتأكد دورنا في نهضة الشعر وميادينه
أصاله مالها حد وتميز صدق يبهرنا
رعاك الله ياعيده عسى البيرق تنالينه
الشاعرة : هنادي المنصوري (بنت السيف)
كلنا نفخر بعيده والشعر يفخر بها
سيدة حرف ومبادئ تستحق الإحترام
مثلتنا وشرفتنا مابه شين عابها
راقية شعر ومكانه وافيه بنت الكرام
الشاعرة : إنكسارات النخيل
غطوتك يابنت بيرق في سباق أهل الوقار
إستلمتي بيرق الحشمه وصك مليارها
عـــيّدي بالفوز ياعيده ترى مثــلك شعار
نفتخر به يوم يضوي في سما شعّارها
الشاعرة : ظمأ الوجدان
لا تسألون الرجل وش قـال وش سـوّا
من نام بـدري بعـد ماقـام مايـدري
شوفـو فقـط شاعـر المليـون لا دوّا
صوت الشعر من وحيدة وانشرح صدري
اللّي خوا بطنه امن الجوع لـو عـوّا
لا حط من قدرها بيحـط مـن قـدري
هيَّ .. خذت موْقعه لـو دانهـا هـوّا
وهوّا يحسب الشعر لرجولتـه حكـري
يابنت غـرْدي لـو ان الصبـح مانـوّا
الشعر يفخر بتس وفخر الشعر فخـري
بخيـر تمثيـل مثلتـي شعـر حــوّا
تقبلـي ودّي وعرفـانـي وشـكـري
الشاعرة : بنت وايل
اليوم بس أيقنت هي ويش تقصد
من يوم سمت نفسها بالوحيدة
من شفتها والشمس تزرع وتحصد
لأبوووه شعرٍ ماتغنى بعيده
الشاعرة : أميره الجابري
ياما سطع في حضرت الشعر شاعر
وياما بسموات البلاغة تبين
واليوم عيده شاعرة كل حاضر
والشاعرات اللي وراها تهين
الشاعرة : دانة الظفيري
رفعتي رأس الشعر يابنت ليواد
يالشاعرة يالمبدعة يالنجيبه
كلنا نفاخر بج من قراب وبعاد
وكلنا فرحنا لفرحتج يالحبيبه
الشاعرة : سجايا الروح (مريم النقبي )
اباغني فخر يا اسم عيده
على البيرق وصلتي وانتصفتي
تجلي نادرة شمسٍ جديده
رغم كل الظروف اللي عسفتي
تجلي وشرفي للشعر سيده
زرعتي كل بستان وقطفتي
وفوقك نصر وأهدافك بعيده
وقفنا لك على وتر ٍ عزفتي
الشاعرة : الشاعرة الإماراتية (قمره )
يا مبدعة كل حوا فيك معتزه
يا بارعه في حروف الشعر وألغازه
جينا نهني الشعر يافخره وعزه
بمثل حرفك درر ياروعة حجازه
حيثك سمو الشعر والجانب منزه
(عيده ) لفن الشعر روحه وبروازه
الشاعرة : الفارسة
مثلتي المرأه هنا خير تمثيل
رعتي رأس المملكة فوق عالي
طوعتي أبيات الشعر دون تعديل
وحنا لها من أول ومن تالي
الشاعرة : أنفاس الجروح
شمس اشرقت في شاطي الراحه واضوت بالقصيد
تختال بالشعر المرصّـع ..بالفكـر ..ووقارهـا
ترفع لواء ..ان النسا أوطـان للشعـر الفريـد
وان القوارير انضحت ..والطهر كنـز اغوارهـا
هذا الزمان.. يعيد نفسـه يـوم للشعّـار عيـد
وتعيد ( عيده ) ..عزّة الخنساء فـي أشعارهـا
يابوظبي خطّي تواريخ الشعـر ..فجـر ٍ جديـد
الفجر ( عيده ) ل/ ارسلت بوح القوافي انوارهـا
الشاعرة : دموع الورد
حنا معك يا بنت الاجواد بـ الصوت ..
لوّه ( حياوي ) بس افعاله افعال ..!!
سيري بدربك / خلي الدين لك قوت ..
و حنا معك دايم على كل الاحوال ..
الشاعرة : بسمه الخالدي
للشعر انثــــى .. لها قدر وحشيمـــــة ..!
للشموخ اجمــل مثال .. وللكفــاح ..!
شمس في صدر السماء .. دايم مقيمة ..!
نورهـــا يسعد عصافيـــر الصبــاح ..!
الشاعرة : نجاح الحربي
يا بنت داري يا سليلة لـ /العزاز
يا حايزه فالطيب قيمة ثمينه
ياللي لفكرك أجزل الشعر ينحاز
تستاهلين المجد و أصلك جهينه
الشاعرة : لولوه الدوسري
يرعاك ربي يا كريمه عربها
بيرق ولانتي بحاجةٍ للبيارق
ياغيمةٍ صبّت وكلن شربها
عذبٍ يشبع ضاميات الطوارق
عيدة تراك القافيه مع طربها
ماتعزفين الا على حرف حارق
انتي القصيدة يا كريمه عربها
وبيرق عباتك فوق كل البيارق
الشاعرة : قلب الشعر
بذرت الشعر يابنت القصيد ب شاطي الراحه
وجنيتِ الورد يا عيد الشعر والفكر والحشمه
هزعتِ جذوعنا فخرٍ .. تساقطنا رطب راحه
ونقشتِ إسمك المُخمل / على سقف السماء وشمه
الشاعرة : ندى القحطاني
ويش أقول من القصايد لا بدا المشـوار حرفـي
وانتي اسطع من شعاع الشمس اوطلـة جبينـه
كل شعـرٍ مـا مـدح شـرواك ملغـيٍ ومنفـي
وكل فخرٍ يا فخر شعـر النسـا بيـدك رهينـه
وكل نورٍ لا سطع نـورك تباهـت ليـن يطفـي
وكل بحـرٍ مـن عطايـا مدتّـك تقصـر يدينـه
كم عطيتِ الشعر رونق .. حشمتك..هيبتك ..تكفي
ياعفيفـه يـا شريفـه كـل مجـد تصافحينـه
ما عليك من السوالف جوّنا لـو شـان يصفـي
خابرين الهرج كلـه زيـف وخـداع وضغينـه
الشاعرة : وجد
قولي لهــم ان الشعر مو عبـادة
الله يحـط الموهبــة في عبيــدة
لـه سيـدات تفـوّقــن فوق ســادة
إبـداع - فكـرة - مفردات - وقصيــدة !
طموح - صيت - أخلاق - عِفــّـة - إرادة
هيبة شعـر - سُمعــة - ثقافـة فريـدة !
وانتي ثبتـّـي لـ الشمـوخ بزيـادة
الشاعـرة تملك مزايـا عديـدة !
تكسـب من الجمع الغفير الـ قيادة
تبقى على عرش القصيد الوحيـدة !
و( عـيــده ) اذا تكتـب شعــر لـ الإفـادة
أكيــد تفخـر هــ النســا بـصوتــ عيــدة !
الشاعرة : خلود البراري
جتكم تضيف لشاعر المليون تاء
وبيت القصيد العذب يخطب ودها
جتكم وخيط الشمس يحجبه المساء
بنت الرجال اللي عريب(ن) جدها
الشاعرة : وجل
انتهى ..
