سالم المناعي وقصيدة من روح البحرين .. تتحرك في فضاءات البحرين بكل هدوء ..
يهديها لقراء أنهآر .. لتلامس قلوب الشعر .. :
قم يا بحـر خذنـي معـك ياصاحبـي ليلـي طويـل
تعبت امنّي فرحتي واسري مـع الضيـق اوحـدي
وش عاد لا احتد النقاش ارتاح فـي موجـك واخيـل
براءتك تسلب شعـوري غصـب عنـي واعتـدي
العمـر علّمنـا قبـل كـل شـيّ نرضـى بالقليـل
واذا لبسنـا ثـوب يقصْرنـا نغـمّـض وانـعـدي
كم لي وانا احلم بالسمـا نِخبـة عصافيـر وهديـل
واستوعب الصورة .. واقـول احيـان هـذا مقصـدي
أجمع بها حلو الكـلام اللـي غشـى صبـحٍ وليـل
واخذ من احساس الضمى مايروي الشـوق النـدي
من يوم ضاق الأمس وانا ما لي امـن صبـر حيـل
للحين احاتي كيف بـس اصـدق واوفّـي بوعـدي
دمعة وسط عينـي ثـلاث سْنيـن عيّـت لاتسيـل
موتـي عليهـا والسبـب صـوّرت فيهـا مشهـدي
وانـا أودع دنيـتـن دخلتـهـا عـابـر سبـيـل
وطلعـت منهـا ناسـي علومـي وساعـة مولـدي
قمت ارتجى من بعد ماصـرت فـي عينـه دخيـل
واقفـى ولا كنّـه عنـاي وكـل دعمـي واسنـدي
بنيان ماخذ مـن صرامـة نجـد وشْمـوخ النخيـل
وشلـون مانـدم كـان عمّرتـه بشغلـي وجْهـدي
ياللـي مضيعـك العجـل ابنثـرك قصـة رحـيـل
وبحمل معاي اللي بقى لـي مـن شتاتـك وآغـدي
شاللي بقالك في يدينـي كـان لـك عنـدي جميـل
من بعت عمري للأسـف ماعـاد شـيٍ فـي يـدي
تتساقط احلام العمر مثـل الـورق والوقـت سيـل
والفرح كشّر من بعد مارحـت فـي وجـه اسهـدي
أنـا بطيّـب خاطـري كـل مابغـى حظّـي يميـل
ولا انت ذكرى عشت امسي بـس ماتاصـل غـدي
إن كنت مرشدنـي فـلا انـت اول ولا آخـر دليـل
وان كنـت خاذلنـي خطـاي انـي بمثلـك مقتـدي
بعض البشر لين ابتدى فعـل الخطـا عـذره ثقيـل
وبعض البشر معـذور حتـى مـن قبـل لايبتـدي
ولا انت مارضى لك بعـد ماتخطـي وترجـع ذليـل
إلا كمـا يرضى غنـيّ الـحظ بالـحظ الـــردي
عرفت منك ماحـد امـن النـاس معدنهـا أصيـل
تفرح ولكن مـن وراي اتجرنـي صـوب الحـدي
مدري اراعي حظّي اللي ضاع فـي عـز الرحيـل
ولا السنين اللي ربـت بيـدك وماتـت فـي يـدي
شعر : سالم بن احمد البديد المناعي
