تراتيل الحنين / اشتياق الناصر

أنا أذكر ما شكيت وقلت صدري ضايق ومخنوق
ولا قلت ليدين ما تصون لعهدها صوني!
هذه الشاعرة لا تتوقف عن نزف الإبداع , تكتب الشعر للشعر فقط ..
لا تعترف إلا بجمال النص وملامسة قلب القارئ .. إشتياق الناصر وفخامة أخرى ..

*******

تراتيل الحنين تشق صدر الليل وجد وشوق
وانا لا جيت ابي للحلم صبحٍ ٍ ذبلت عيوني
تقاسمني الجروح وكن قلبي لجلها مخلوق
وأكابر لا ضحك ناب العذاب وحال من دوني!
واش يفيد أن حرسني هالفجر دام الفرح مسروق
واش يفيد أن نطرتك يا ربيع وخانني لوني!
قبل كم جرح ودموع وذبول وطعنة بعروق
انااذكر كنت اغني للبياض وغيمتي عوني
أنا أذكر كانت عيوني تطالع حلمها من فوق
وتضحك لي ملامح كنت أحسب إنهم تمنوني
أنا أذكر ما شكيت وقلت صدري ضايق ومخنوق
ولا قلت ليدين ما تصون لعهدها صوني!
ولو ثارت علي دموع قلب راح حلمه بوق
أغني له وأقول اللي نسوني يوم ويجوني!
أزين للسنين السود وجه بالغدر محروق
وأشيل هموم عمرٍحملها كلت به متوني
تعبت أكذب على نفسي بأن اللي رحل ملحوق
مع إن اللي رحل ما همه إن كان أحترق كوني!
تعبت وما بقى لي غيرجرح ًحط ضلعي طوق
تأوى به وأنا ما ودي أكسر خاطر طعوني!
بأخاوي جرحي اللي من وفاه أحس عنده ذوق!
يسامرني ويبكي لا ذكر من يوم خلوني
ولو هب الحنين وشق صدر الليل وجد وشوق
باعذره دامني من يومها ما نامت عيوني!!

شعر : اشتياق الناصر
عضو منتديات أنهآر الأدبية