عندما يجاري الشاعر .. أحد الكبار في الساحة مثل الشاعر سعد علوش ..يكون المجاري هو الشاعر ناصر بن حسين ..
فبالتأكيد أننا سنقرأ نصا ً يحمل الكثير من الإبداع .. خصوصا ً وأنه شاعر مخلوق من الإبداع أيضا ..
( محتاج لك والحاجه أم الإختراع )*
محتاج لك .. والإختراع أغلا وطن
جيتك من المنفى وأدور فيك / قاع
شاعر وفي صدره من الخيبات طن
شفني أرشْ الصمت وأتنفس ضياع
ياما تعبت أملا تشاعيبي /.. حزن !
ياصاحبي .. والليل نجماته جياع !!
مامرها صبحكْ معه كِسرة ( شَجَنْ )
مليت أذر الشوق وأسقيه / إلتياع !
غصني يِبسْ وانا على رجوى مزن
في غيبتك شوفه غدى حزني : ذراع
تستعذب إخناقي وأنا ياكود .. أئن ؟
صب الوصل واروي مساماتي شعاع
هز الجفا / زعزع من اركانه : رُكن ،
شمعي بكى ظله غفا والضي | ماع
شاخ السَهر والنومْ ماضفه / جِفنْ !
هاتكْ معكْ صبكْ فـ كاسي بإندفاع !
بتغرغرك وأحيي جَسدْ بعدك | وَهنْ
الحق علي ، رتبني قدر المستطاع !
جب لي صبر أوخلني للــ آه أكنْ ،،
الموتِ لو .. أبحرت وبليا ( شراع )
وأرسي ولا ألقاك .. وأتصبب غَبن !
( محتاج لك والحاجه أم الإختراع )*
لاقلت انا : محتاج لك ( لله : حن ) !
* شطر لشاعر سعد علوش تم عرضة في مسابقته الخاصة لجمهوره .
شعر: ناصر بن حسين
المنطقه الشرقيه - الخبر
