أسمر شبيه المسك وشلون مايفوح؟
يمشي وعطره ثابتاً في مكانه
- كيف ترى هذا البيت ؟
أراه كما يراه كل محب ...
- ماذا تريد أن تقول في القصيدة ؟
لا أدري .. ولكن كل ما أريده أن يكون كل ما أريد قوله فيها ..
- وماذا تقول لمن يقرأك ؟
أتمنى أن تحوز على أرواحكم ..
يابو جديل ٍ ياخذ البال والروح
خذيت روحي واعتبرها امانه
جديل ٍ من كثر الحلا يقدر يبوح
ينطق ويصدق في بلاغة بيانه
لا من تحدر كنه يقول مسموح
ولا من تعلا أه ياهي ادانه
ولا من تمايل فـ الهوى واصبح يلوح
كنه يغني ليل دانه ودانه
ولا من توارى بعد ماكان مفضوح
غرو ٍ تذيّر من فضول الميانه
ولا من رمى ظله على خد مملوح
ليل ٍ نزل للصبح بس برزانه
ولا صار له في شرفة المتن مصلوح
أستغفر الله الريح تهدا عشانه
أسمر شبيه المسك وشلون مايفوح؟
يمشي وعطره ثابتاً في مكانه
فارع ما اقول إنه يغطي له صروح
لكن يغطي قده وخيزرانه
لا من رفعه الارض من تحته تنوح
مثلي انا لا غاب وابطى زمانه
عنق ٍ تلوى فيه مايعرف جروح
حيثه تمّيز بالترف والليانه
اللي يشوفه يامنى الروح ويروح
وده ينادي مير عيّت ثمانه
واللي ينادي لك بلا صوت مبحوح
ياقو قلبه كيف حرّك لسانه
فواز العتيبي .
