وتشيل ضمن اللي تشيل المجرات
في محجريك .. وموتِـتِك بإلتفاتك
عندما يكتب العمالقة .. لا بد وأن نقرأ الشعر .. تجوَل كبير في مساحات الإبداع لا يجديه إلا عملاق كبير مثل بدر صفوق ..
يكتب للنفس .. وللعقل فقط .. ولا يكتب للمرور فقط .. هنا .. نقدم للقراء نص خاص من قلب الجمال .. لقلوبكم :
وتشيل ياصعلوك.. بين المطارات
عمرك / بروايز الحكي / ذكرياتك
ليلتك / حزنك / دمعتك والسموات
وجهك ..وتغريب الليالي .. وذاتك
صلافتك / رقة عيونك لما .. فات
صوت أمك الواهي : أمانه خواتك
إرثك/ جذورك/بسملتك / الصلوت
دارك / شبابيك الغياب / وصفاتك
خشوع قلبك / سجدتيك / التحيات
حكي الكثير .. ومختصر تمتماتك
شفت العيون اللي تناظرك هيهات
لو دقـقت عجزت تحـدد سِماتك
وأنت بـ جفونك يستفز المسافات
حلمٍ .. كسر ظهر الطموح بحياتك
وتشيل ضمن اللي تشيل المجرات
في محجريك .. وموتِـتِك بإلتفاتك
سموك أهلك بمولدك غايبٍ / آتْ
كن الرحيل .. إتوسموه فـ لهاتك
صمتك بلد .. لكن عيونك حكايات
كنك مضيع وسط بوحك .. شفاتك
تمشلحتك بـدون قصد .. الغيابات
وأكرمتها غير إنهيالك إسـ كاتك
بس الشوارع / الشقق / العمارات
ضاقت بأهلها وأنت ضقت بحياتك
لو أمنت بك رحلتك .. والجوازات
كذب شعورك لورأى .. معجزاتك
:
- هذا البيت تم نفيه من القصيده
ليلة فراق عيونها .. كِن الأموات
أحيا .. وكن الله لوحدك .. أماتك
.
شعر: بدر صفوق ...
