وإمتزج دمي وكل الحبر وأخفيت إلتياعه
لإن ماهو بالضروري أعلن أخبار إمتزاجي
النجم محمد معرفي , لا يكتب الشعر إلا في حالات خاصة .. تشبهه وحده .. محمد معرفي من نجوم الساحة الذين أثبتوا للجميع
بأن الشعر ليس احتكارا ً على أحد .. وأن الإبداع هو الميزة الوحيدة في قصيدته .. إهداء خاص منه لقراء أنهآر في هذا العدد الخاص :
قلت لي أعوج قصيد وقلت لك عندي قناعه
إن الإبداع يتزايد كل ما زاد إعوجاجي
وأقرب الأمثال والساحة تعاني من مجاعه
جيتها وأشبعت الأقلام الفقيرة من نتاجي
وإمتزج دمي وكل الحبر وأخفيت إلتياعه
لإن ماهو بالضروري أعلن أخبار إمتزاجي
تدري إني في قرار النفس ماعندي قناعه
تدري إني في دروب الحب مازاد إبتهاجي
مايعرف النور غير اللي تربى في شعاعه
ماينور هالدروب الحالكة إلا سراجي
من تمسك شي عادي مايساوم بإندفاعه
لكن اللي ماتمسك وش عليه من إحتجاجي
سوقنا يضحك عليها يوم صرنا به بضاعه
منهو ذنبه يوم صاح الشعر يا رحلة علاجي
يامثقف وأبجديات الكلام المستطاعه
ماتوفي لو أزيد الهرج في ساحة سياجي
يامثقف والفكر لو جات باللحظة جماعه
ماتحس إلا هدوء الشعر ضايع في عجاجي
الكراسي والمنصة والوله في كل قاعه
والجماهير الغفيرة والشعر في برج عاجي
كل هذا مايساوي ذرتين من الشجاعه
لاوقفت وقلت كلمة حق والمحتاج راجي
شفت كل الكون سبحانه يزيد من إتساعه
والفكر عندي مثل هالكون لاكني مزاجي
وإرحلت والليل ستر وعاش فكري في ضياعه
وإقتنعت بعذرها رغم المصيبة وإحتياجي
ودام تدري من كتب هالشعر ماتلوي ذراعه
ليه ترمي بالحجارة وأنت لك بيت زجاجي
ودامي أعوج ليه تقرا لي وأنا لي إستطاعه
إني أعدل لك مزاج الشعر لا زاد إعوجاجي
شعر : محمد معرفي
