خل الهوى عذري بلا شي منقود
دام الهوى للبنت عيب وْ فضيحه!!
لهذه الشاعرة نفس خاص بها .. وروح خاصة بها .. وشر خاص بها أيضا ...
العنود العلي ... تحتضن أنهآرها بقصيدة غارقة بروح الشعر والإبداع .. فمرحبا بها :
أرخيت انا شالي مَعَ هبّت النود
وتناثرت سود الجدايل طريحه
باحس في حرّيتي وانت موجود
وآفيض لك ما ترتكبْه القريحه
خل الهوى عذري بلا شي منقود
دام الهوى للبنت عيب وْ فضيحه!!
محسوده بْحبك وفْالحب محسود
وشهادتي في وصف حبّك جريحه
مابيني وْ بينك مسافات وحْدود
مكانتك وسط الحشا مستريحه
قلبي معاليقه علي حبّك شْهود
وعيني مدامعها لشوفك صريحه
تمرّني حلم وْ تناهيد وسْهود
وآمربك بنت الخصال الصحيحه
اتذكّرك وآقول ماهوب مفقود
وآعيش بِكْ ضحكه وهرجه وصيحه..!!
شعر : العنود العلي
