هنا .. لا نقول إلا أن الشعر بخير .. وأن المبدعون يختفون لحظات .. ويشرقون بكل النور ..
في أنهآر .. قصيدة خاصة من صاحب السمو الملكي الأمير سعود بن ممدوح آل سعود .. يهديها لجمهوره عبر أنهآره :
معقول يعني بنظرتك صرت ماضي ؟
ويتركني قلبك ضايع بدرب مجهول ..
وان جيت ببدي فـ الجروح افتراضي ..
ألقى الجروح تموت في قلب مقتول ..
تخطي عليّ وابدي عليك التراضي
وأقول أنا المجهول وان كنت مجهول ..
وان جيت أببدي في خطاك اعتراضي
ترفض ولا لي فيك قوة ولا حول
معقول يعني بوضعنا كنت راضي ..
لا ما أصدق حتى لو قلت معقول ..
واللي ذبحني قولتك ما انت فاضي .
مشغول مع غيري وانا فيك مشغول ..
شعر : الامير سعود بن ممدوح بن عبدالرحمن آل سعود ..
