بقايا انسان / صالح جزا الحربي

شفني "بقايا انسان" يكتب لك سطور
يرجي يتبدد في حظورك ظلامه
ليه المسافه بينك وبينه بحور ؟؟!
تايه وقربك فوق كل اهتمامه
دامك بعيد يصير له قلب مهجور
إلا جروح ٍ ساكنه من غرامه
كلّه خليط احزان في داخل شعور !
يصنع من الآهات نبرة كلامه
ودّه على قربك ولو صاح معذور
انت الذي ترسم عليه ابتسامه
مثل الشجر يصبر على الغيم مجبور
يمكن يجيه الغيث وياصل مرامه
من علّمه يصبر وهو جذع مكسور ؟؟
ومن علّم العاشق يتوه بهيامه ؟؟
عاش بقصر اوهام والحظ معثور
طيفك يردد جيته في منامه !!
داعي سروره قربك اليوم مشكور
تشرق تبدد في حظورك ظلامه
 
شعر : صالح جزا الحربي