شرفة غيابك ? علي الزهراني ..

أخآيل في الأفق ســرب الأماني وانتظــر بشراك..
والملم هالمسا وأشعل من أعــواد السهـــر صبحك
أنا اللي من تذكرتك عرفت أني عجــزت أنســاك..
وانا اللي لو تناسيــتك تذكــــــر خافقي رمحــك
على شــرفة غيابك جيت أبفتح نافــذة ذكــــراك..
لقيت الصبر متلحّــــف خَطاك ومفترش جـــرحك
أنا اللي ما عرفت من الكلام إلا أعشقــك وأهواك..
وانا اللي ماعرفـــت الحزن إلا من قســى فرحك
وانا اللي يوم قررت أنتهيك أحتــرت كيف أبــداك...
تخيرت البكى لجلك ، لأني ماعــرفت أضحــك !
أنقّب عن مآثر دمعتي في حســــرتي و اللقـاك ...
تحرّض للزّعــل جــرحي و أحاول أختلــق صُلحك
تعلمت أكتبــك وامســح ملامــح غيبتك و أقــراك..
أحــاول أفهم اوصالك ولكن طال بي شــرحك
سقيت أزهار حلمي في غيابك وأثمرت أشواك..
زرعتك سنّبلة فرحــي وأكل طيــر الحزن قمــحك
أنا مالي وطـــن إلا أعيــش العمـــر في منفاك...
وأنا مالي بــــزاد العمـــر لا منه نقــص ملــحك
أضيع فـ بحر أوهامك وأصارع والقــدر مرساك...
واناجي وحدتي واشكي حبيبي : مسّني قرحــك
وأطيح أبكي على كتف الزمن و آقول: كيـف نساك..
وتبقى نافــذة ياسي تواعــــد بالأمل صبــحك !!   

شعر : علي الزهراني ..