البـــلا إنّي بوقتٍ بعض ناســـــه كـــالذياب
لا عوى الواطي عليا الردي بعده عوى ..
تأتي من البحرين , تأتي من روح الشعر , تأتي من سماء الإبداع ...
منيرة السبيعي تهدي قراء أنهآر قصيدتها ( الغياب ) والتي تأكد على حضورها الراقي
في فضاء أنهآرها ..
يا زمن شفت المواجع تحتضني في الغياب
والغياب اثره صعيبٍ حتى قلبي ما قوى
آآآه من همي وخوفي دمعتي معها العذاب
آآآه من قلبٍ تولع ذاب في نار الهوى
ضاقت بعيني الوسيعة بعد ما كانت رحاب
وكل طريق ٍ قد مشيته مع جروحي انطوى
كل شي نور لي دربي غاب في ليل الذهاب
والتوى هالخوف فيني حتى فــ الشوق التوى
أحتري شمس المحبة تضوي من بين السحاب
وآتحرى نـــور زولٍ له سنين ٍ ما ضوى
كل ما جيت أتبعه ألــــقاه بعيوني ســـراب
ويتهيالي ارتواه القلب لكن مــَ ارتوى
أحضن الذكرى بصورة وعطر في ذيك الثياب
وألمح بعين الهدايا شوقنا واحنا سوى
ضاعت أيام السعادة صرت في بعده أهاب
والجروح اللي بقلبي ما يداويها دوى
صارت دموعي حروف الضيم وأشواقي كتاب
الفرح في الدنيا عندي ماهو ضمن المحتوى
البـــلا إنّي بوقتٍ بعض ناســـــه كـــالذياب
لا عوى الواطي عليا الردي بعده عوى
خطوة آمالي عسيرة بينها جبال وهضاب...
حظي كل عمر يتفاوت ماهو نفس المستوى
الله يرحم روح بختٍ مندفن تحت التراب
كل شي ٍ ينوي يبقى إلا بختي ما نوى
ما شكيت الهم إلا من كثر جـــــور الصعاب
وأحــــترق قلبي من الأيــام كله و إنكوى
يا زمن حالي رثاه الوقت من طول الغياب
قلت لك إنه صعيب وإن قلبي ما قوى..
منيرة السبيعي - البحرين
