أنا فيني بقايا الجرح لا والله جروحي تزيد
وانا كل الألم ساكن فـ قلبي وكل وجداني
هواجس , شاعرة جاءت تهدينا الشعر العفوي للتعبير عن أصالة البيئة الشعرية ..
شاعرة أجادة ترتيب العتب , واللوم , والبوح .. فكانت لنا هذه الرائعة :
تمر وتاخذ بعمري بقايا الجرح والتنهيد
وتتركني هنا ذكرى تقطع كل شرياني
تمر وليتك تودع من الضحكه جرح هالعيد
تمر وما بقى فيني أضمد جرحي الثاني
مدام إنه قسى قلبك طلبتك إخنقه بالإيد
مدام الدمع ما جابك أكيد تجيبك أحزاني
أنا فيني بقايا الجرح لا والله جروحي تزيد
وانا كل الألم ساكن فـ قلبي وكل وجداني
إذا الليله تنسيني جرح باكر أفك القيد
واذا تاه الحزن مني جروحي ودها تعاني
خساره مابقى منك سوى هم وجرح جديد
حسافه يوم أنا حظي على دربك ومشاني
أجي قاصد رضا قلبك تصد هناك عني بعيد
واذا أقفيت تناديني (هواجس) ردي من شاني
ويرجعني أصل طيبي والاقي الطيب معك ما يفيد
وإذا مانته بقد الحب يا ليت تروح وتنساني
إذا ما انته بقد الحب وقد العشق وشاللي تريد
أجيك بكل ما فيني وناري تدعي التخميد
تعال وهدي أشواقي يا حب ٍ وسط وجداني
واذا انته قد هالكلمه وقد الشوق بالتاكيد
أبيك تضمد جراحي وحظي يبتسم ثاني..
شعر: هواجس
