أدنياي كنه بالشقا آخر اقصاي
أرض ٍ يباب ولاتعد الفوارق
قصيدة مليئة بالحزن , تحمل الكثير من التفكير لشاعر متميز بدأ يكتب الشعر من باب الإبداع ..
فواز علي, وحضور يشبه المطر .. مرحبا به ,,
معاك حق ٍ ماتبي غير فرقاي
حتى أنا ودي لنفسي افارق
لاصار جرحي صوت ينزف وانا الناي
من يهتوي خل ٍ به الحزن غارق
ياما طلبت الشمس تشرق فـ دنياي
وياما عليها سقت كل البيارق
وياما نصيت الغيم قال المطر جاي
ولليوم ماعندي ولا غصن وارق
أدنياي كنه بالشقا آخر اقصاي
أرض ٍ يباب ولاتعد الفوارق
ماهمني غير الشماته من عداي
جتني الشماته عد مالاح بارق
صار الزعل قيد ٍ على خطوة رضاي
يامن يفك القيد والقيد حارق
حبيبي لو الكون يجهر لك الراي
يقول لك حسنك على الغيد فارق
شرواك طهر الغيم مع صفوة الماي
ودر البحور وشمس كل المشارق
وياريت يمنى الكون تمسي في يمناي
عشان أقطع يد من كان سارق
لولاك ماخطيت شعري ولولاي
ماصار ثغر الشعر بالدمع شارق
مع السلامه واترك اليوم منفاي
ولا هز بابك في ذرى الفجر طارق
هذاك قلبي جاك في غفلة اعضاي
قلب ٍ ضجر مني ووده يفارق
شعر : فواز علي - السعودية
