هنا مر الحكي لكن عجز يقدر يحاكيني
هنا مر الغياب أسود وله نظرات خداعه
الشاعر المبدع ( علي الزهراني ) من الأسماء التي لا يمكن أن تكون عابرة .. روح الشعر تسكن كل بيت من أبياته ..
شفافيته في رسم ملامح الشعر واضحة في كل كلمة يستخدمها هنا .. قصيدة مليئة بالحزن بالحوار مع النفس وبالروعة ..
تعبت أضحك على دقـن المسا وآقول بتجيني
تعبت أستدرج اللحظه وتهرب لحظتي ساعه
تعبت آنثـّر الخطوات وآجمّــع عنوايني
تعبت أمشي على صدر الرصيف و آكسر اظلاعه
هنا شفتك توادعني وضني بك تناديني
هنا مر الوعد والناس والشارين والباعه
هنا مر الحكي لكن عجز يقدر يحاكيني
هنا مر الغياب أسود وله نظرات خداعه
كبر فيني الحنين وشاب فرحي وانعمت عيني
واخذني الموت في حضنه وسمّـاني من أنواعه
على ذاك الرصيف أسطفت أحزاني تعزيني
وانا آمنت بغيابك وخذت الصبر شماعه
عزمت الخوف ويا الأوف وقلت الله يحييني
على واجب حزن قلبي وآهاته و أوجاعه
أنا دخنت حزني لين ضاقت به شراييني
وآخر فرح فيني جا وقلي هات وللاعه
أنا قبلك تغافلني العمر واستنزف أسنيني
وأنا بعدك رميت الحلم والتقويم والساعه.
شعر : علي الزهراني
