الشعر الشعبي


نشر الموضوع :

قال :
واذا قالو بأن النوم ذا سلطان
اجل وش حضرتك يا حادي اهدابي

الشاعر الجميل عبدالعزيز خالد الشثري , وحضور النور في مجلة أنهآر .
قصيدة تحمل ملامح العمل الكبير بين أبياتها , هندسة جميلة في زوايا النص ..
نترك لكم الهدوء للقراءة هنا :

‏سهر ، جيتك ادور في وهمك احضان
لعل الليل يسترني من احبابي

سهر ، جيتك وذالليلة معي ضيفان
ابنحر هالاماني واتعشابي

معي حزني معي جرحي معي طوفان
يغرقني ، يجيني الموت يحيابي

انا الواقف على باب الامل ولهان
وانا الجالس مابين الخوف واعصابي

يرقصني الحنين وخافقي نشوان
يبعثرني السكون ودمع ينسابي

واذا قالو بأن النوم ذا سلطان
اجل وش حضرتك يا حادي اهدابي

ولو عيبك يغيبك السنا واحيان
تبيّن في عيوني وش حوى كتابي

وعشان ارتاح من وجه الصبح لا بان
ابغزل من خيوط الفجر جلبابي

شعر : عبدالعزيز خالد الشثري

نشر الموضوع :

الوسوم

إترك تعليقك

كن أول من يعلّق هنا !

avatar
  Subscribe  
Notify of
إغلاق