الشعر الشعبي

خذني معك / للشاعر : عبدالرحمن بن شعثان …

نشر الموضوع :

magazine_iPhoneUpload_568933718

 

الشاعر الجميل عبدالرحمن بن شعثان ونص جديد يهديه لقلب مجلة أنهآر الأدبية وقراءها عشاق الحرف ، نص يحمل العمق في الاحساس والعمق في البوح ، نقرأ النص أكثر من مرة لمزيد من الحب مع هدا الاحساس …

 

خذني معك لا اقفيت يا ضو الغروب
ما باقي الا شوي ويحين السهر

خذني من حكاية غوى عتم الدروب
اللي مساري ليلها كنه شهر

الين شوفة من ليا ورّد يروب
كواعبه تفاح وانفاسه زهر

مليت من وجه يبادلني شحوب
شريت راسه طيب ويّعده مهر

ومليت من قلبٍ يزّل وما يتوب
الا لا منه شاف ذنبه مزدهر

يا صاحبي والناس بارواح وقلوب
والعين تخلط من سرايرها جهر

ناس رسوم وجيهها قبح وعيوب
لكن داخلها نواميس وطهر

وناس على ما تشتهي نفسك تذوب
الا ان اعف اشياءها زيف و عهر

يا صاحبي شف كاهلي طايح ذنوب
من شان راس اللي قصيده ما ظهر

احيك هرج الهايفه من كل صوب
وافاخر بقافي لو انه ما انشهر

يا كي كبدي لاتوّلوني جنوب
كي البعير اللي انكوت كبده قهر

رفيق دربٍ ذاخره للعيب ثوب
زلّ وبغيت اعفيه لاكنه ذهر

يا جعلني ما ازل واطيح بكروب
واجور في ربعي نهار وما انّهر

ويا جعل تفداني عيون اللي مهوب
كفو لفعل ابوي  ما طال الدهر

ويا جعلني ما احتاج لا عج الهبوب
من يضحك بوجهي ويطعن بالظهر !

 

شعر : عبدالرحمن بن شعثان

 

 

نشر الموضوع :

للحصول على جديد مجلة أنهآر والأخبار الأدبية :

 

إذا كنت شاعراً أو كاتياً أو أديباً
وتود نشر قصائدك أو مقالاتك و أعمالك وأخبارك الأدبية
عبر مجلة أنهآر الأدبية للوصول لشريحة مميزة من الجمهور الأدبي العربي
فراسلنا عبر البريد التالي:
anhaarcom@gmail.com
بموادك والصور الخاصة بالمواد أو
بك وسنقوم بنشرها في صفحات المجلة بعد المراجعة في أقسام المجلة .

 

الوسوم

إترك تعليقك

avatar
  Subscribe  
Notify of
إغلاق