الشعر الشعبي

لا تلتفت لي .. / الشاعر : فهد بن محمد ..


نشر الموضوع :

 

كان أول الشوق ياخذني على بابك 
والحين شوقي مع كتابي على رفّي 

 

الشاعر الجميل فهد بن محمد يعانق الجمال في هذه الأبيات الراقية
في أسلوبه العذب  .. بين قلوبكم فهد بن محمد :

 

ياكم سألتك عقب فرقاك وش جابك
وياكم من الحيرة أشعل نار وأطفّي

أما أتركك للغياب ، وتبكي أحبابك !
ولا آخذك حب وأمسح دمعك بكفّي ؟

مقدر أخليك لكن ، نفسك أولى بك
أنت متكبر و قلبي واقف ب صفّي

كان أول الشوق ياخذني على بابك
والحين شوقي مع كتابي على رفّي

ماعشت من وصلك ولاا متّ بغيابك
مدري تبلد شعور ، أو عشق متوفّي

مسكين ، قلبي بعد ماهو تذرى بك
كان يتوقع عن ‘الخذلان .. متخفّي

هذا جزاء الواثق اللي يحسب حسابك
صابر على قسوتك ماقلت لك خفّي

ماكان ودي تجيني تشرح أسبابك
الجرح عذرً ” جنيته ” منك و يكفّي

خلّ الشتاء يقتل عروقي ولا أدفى بك
أموت ” بردان ” ولا أموت ، متدفّي

وأن كان تكسر خفوقك دمعة أقرابك
لا تلتفت لي وأنا أبكي دامك مقفّي !

.

.

شعر : فهد بن محمد

نشر الموضوع :

الوسوم

إترك تعليقك

كن أول من يعلّق هنا !

avatar
  Subscribe  
Notify of
إغلاق