الشعر الشعبي

أعز مخلوق … / الشاعرة : المليحة ..

نشر الموضوع :

 

 

بحضورها الأول في مجلة أنهآر .. تتميز الشاعرة المليحة بهذا الإحساس الأنيق
في نص يحمل من الحزن بين طياته الكثير من المواجع .. :

 

عسى الوفاة اللي خذت عز مخلوق
سكراتها يا رب .. ما هي ثقيله

عسى الذنوب اللي على عاتقه فوق
عقب التشهد .. تنتثر من شليله

ما أنسى كلامه لا غدى الصوت مخنوق
هلّي عليّا بالدعا كل ليله

أوّاه يا قلبٍ من الحزن محروق
وأوّاه يا عيني ما ف اليد حيله

بيني وبينه قاضيٍ حلف وحقوق
أبر في حبه ولا أبحث بديله

ما أرضى أكون لغيره اليوم معشوق
يا كيف يصبر خافقي عن خليله؟

ماني بعاصي لا .. ولا فيني عقوق
مير البكا لا زاد ما هي فشيله !

عايش حياتي دون نبضٍ ولا عروق
عايش واحس اني بحاله مليله

يا رب وصلت لأَخر الآه بالشوق
مقدر على حمله ولا اقدر اشيله

عسى السحاب ان هل مع مزن وبروق
في قبر غالي صعب إني أجيله ..
.
.
.
شعر : المليحة ..
تويتر : @Al_bo7al_Jare7

 

نشر الموضوع :

سين جيم

  • أسئلة وإجابات في الوزن والقافية والتقسيم الصوتي . إعداد : فيحان الصواغ
  • 9 February، 2018

مقالات ذات صلة

إترك تعليقك

1 التعليق فعّال "أعز مخلوق … / الشاعرة : المليحة .."

avatar
  Subscribe  
newest oldest most voted
Notify of
مشاعل
ضيف

تجننننن ابدعتيييي مو غريبه عليييك❤️❤️❤️

إغلاق