جفّت أشواقي .. / فهد بن محمد

قال ” من يرد العمر لامن ضاع فيك ؟ ”  ,

الشاعر فهد بن محمد وحضور جميل في مجلة أنهآر الأدبية ..

ماغفت عيني ، مسهّرني سؤال
و ماغفت نجمات ليلً .. يبتديك !

السؤال اللي خلق فيني جدال
وينكك أنتي ماقدرت أنا أنتهيك !

من هجيرك قمت أدور لي ظلال
ظلّ يدفيني ليا شحّت .. يديك !

جفّت أشواقي بكى غصني ومال
ماتت الفرحة ، وهي تنطق أبيك !

عشتك ف واقع وعشتك في خيال
من يرد العمر .. لامن ضاع فيك !

مرّت الذكرى و كاسيها .. جمال
من جمال الذكريات أبكي عليك !

الشوارع .. ترتجي ، منّاا وصال
ياللي أضواء الشوارع ، مقلتيك !

لاا تقول .. بنلتقي صدفه مُحال
باكر ” الصدفه ” تقوم و ألتقيك !

ضعت .. أنا مابين فاقدك وتعال
مالقاني .. غير أحبك و أهتويك !

لو دريت “محبتك” صعب المنال
ماتركت الناس خلفي و أحتريك !

شعر : فهد بن محمد