التغريد شعراً : الشاعرة “وَارِفَة” ضيفة الفضاء ..

 

 

إعداد – أنهآر  :

 

 

لهذا الإسم ( الشاعرة وَارِفَة ) الكثير من الجمال في سماء الشعر , مغردة وشاعرة من درجة الإبداع حضرت فأدهشت بحروفها أهل الشعر ..

 

حسابها مليئ بالكثير من الشعر , بالكثير من الحزن , بالكثير من الجمال والإحساس ..

 

في زاوية التغريد شعراً , اخترناها لتكون إضافة للجمال في مجلة أنهآر وبعيدا ً عن الضجيج المتواصل على شبكة تويتر ,
نختار هنا بعضا ً من بوحها في هذه الزاوية كباقة شعر نهديها لقلوبكم :

 

هي بين قلوبكم :

 

==

اللي خطاويهم بعيدة ، يردّون
حتى لو الغايب بشوقه يكابر !
الناس تقسى و الحبايب يصدّون
الا الوطن حضنه مثل ما انت خابر

==

مابقى للصبر ليلٍ ما سراه
و ما عطى للشمس فرصة للطلوع

كان لاحلامي معه ملح و طراه
لين ماصارت متاهات و صدوع

==

ذروة سنام الحب كثر المشاريه
و الظالم اللي كان بالهجر بادي

قاعٍ نست عقب البطا صوت رجليه
تبطي قفار و يبطي الدرب هادي .

==

للذاكرة ، بالحزن قلب
من وين ما هبّت يهبّ

وانا ؟! الوعود الواهية
حَفَظتَها عن ظهر حُبّ !

==

كل موعد للنصيب و للظروف
و كل تايه لو رحَل ، عنده بلَد

غير موعد لو نطوفه ، مايطوف
منكتب وقته قبل ما ننولد .

==

افتقدْك بـ كل ليلة من رحلت
و كل مرة افقدك مابي اقول

و لو أموت بلهفتي لك : ما سألت
بالهوى مالي بـ انصاف الحلول

==

خلّك مثل وجه السما بـ اوّل اليوم
و ادفن حزن عينك تحت غبّة الليل

لا بحّتي ( وردة ) ، و لا أم كلثوم
لو صدري المينا و لو دمعك النيل .

===

عادي يطيح الدمع دام الحطب طاح
طعم الزعل مرّ و منافيه غربة
المجد للي نام راضي ، و مرتاح !!
و مسامح المخطين في حق قلبه

==

الشعر لاصبت بصــدري مرازيمه
هو أبخص بـ ممحل ضلوعي وخابرها
لـ ابياتي بكل عين تمرها شيمـة
وقصايدي أمس شالت هم باكرها

==

على الله يا هقاوينا
على الله والفجوج وساع
على الله هالدروب اللي تودّينا ، تقدّينا .

==

لاتنكأ الجرح بالشرهات و عتابك
و انا من العام اضمّد فيه لا يكبر

بشويش بشويش لاتستنزف احبابك
القلب ليّن و كسر القلب ما يجبَر .

==

اقبض على صدرك لو ضلوعك رهاف
تربّص بحزنك ، و حاول تطيقه
شل حملك بنفسك ولو مالك اكتاف
قسّى الزمن كلّ القلوب الرقيقة

==

وللمزيد من الشعر , هنا حساب شاعرتنا ( وَارِفَة )