الرئيسية / مجلة أنهآر الأدبية / الشعر الشعبي / لبية يا صوت / عبدالرحمن بن شعثان

لبية يا صوت / عبدالرحمن بن شعثان

magazine_iPhoneUpload_568933718

شاعر موسيقي يحترف العزف على القلوب في قصيدة تغرق في الجمال والعذوبة .

الشاعر الجميل عبدالرحمن بن شعثان وحضوره الأول في مجلة أنهآر بهذا البهاء والشعر , بين قلوبكم :

لبيه يا صوتٍ ابطى ما ظهر زوله
وانا احسبني بعد بحته محتاله

باغيه له عام ينخا فيه من جوله
الضيق ياكل منه والحزن يغتاله

يكبح جماح الفراق وينثني حوله
ويحط دمعه على ذكره ويشتاله

يا وجد حالي وجود اللي ذوى طوله
يطرد ورا حلمه الكايد ولا ناله

اللي تمنى ينوله دونه قفوله
واللي ما يبغاه عند اقباله قباله

ونا من العام عيني فيه معلوله
من يوم شد الركاب وعانق رحاله

مدري !! ردى حظ ؟؟ ولا ذوله وذوله
من وين ما احتال ذا عمه وذا خاله

صكو شباببكه الهملا وحطوله
ما عاق يد السجين بكومه حباله

تلد عيني لبيته وابكي دهوله
واقول خيره مدا الايام حواله

اقفى ولا بقي من ذكره وماموله
اذكر طواريه وارقب رقم جواله

يا نحس حظي ويا قشره وياهوله
ويا عوق مثل له حظي وغرباله

اعيش له والضلوع العوج منحوله
واموت منه و لا لي فيه الا له

يارب اجرني من الشمات وعذوله
واني اعيش بحياتي مكره و عاله

اموت داله شعور وينكمي قوله
اخير من عيشتي مكمي ونا داله ..

شعر : عبدالرحمن بن شعثان .

نشر الموضوع :
أحصل على كتاب تمارين التقسيم الصوتي

عن anhaar magazine

شاهد أيضاً

دار سعاد الصباح تصدر “أمراض العيون” و”ضغوط العمل” و”سوناتات” و”منحدرات الأغاني”..

  أنهآر – متابعات : صدر عن دار سعاد الصباح للنشر والتوزيع تزامنا مع معرض …

إترك تعليقك

كن أول من يعلّق هنا !

Notify of
avatar
‫wpDiscuz