الشعر الشعبي

المطار / للشاعر : عبدالرحمن آل مغني ..

نشر الموضوع :

IMG-20150330-WA002

الحزن [وجه الموادع] .. لو يكابر
[الملامح] .. كلما نخفيه باحت..!!

السفر والشعر ، وحضور شاعر بينهما سيكون الناتج نص جميل مثل هذا النص للشاعر الجميل عبدالرحمن آل مغني ..

 

المطار اللي رسم .. وجه المسافر
يختلف في ناس جات وناس راحت!
 
الحزن [وجه الموادع] .. لو يكابر
[الملامح] .. كلما نخفيه باحت..!!
 
كيف نخفي وانت قلبك كان ذاخر؟
حب واحساس ومشاعر،ليه طاحت؟!
 
جيتني نعمه .. وانا لله شاكر…!!
شفت فيك العمر والعين استراحت
 
كنت أشوفك في ملامح كل عابر
فالأماكن فالسحاب إن كان ساحت!
 
كنت اشوفك يالملاك .. بقلب طاهر!
لين مانفسك عصتني واستباحت
 
انهكتني وانهكت صوت الحناجر
خلصت ذيك الحكاوي شوف/باحت!
 
صرت اشوفك بس في طاري المقابر!
ذكرياتك غابره .. [معاد فاحت]

 
صاحبي والوصل لامن صار [عاقر]

كيف ابوصف موقفي والعين شاحت؟
 
انت صابر .. بس انا ماني بصابر
كل نبضه في خفوقي منك ناحت!
 
لجل ابنسى / شوفني دايم مسافر
بس طريا الجرح مدري ليه صاحت؟!
 
البعد [وجهٍ كئيب] .. [وقلب كافر]

وانت فرصه ماتعوض/كيف راحت؟!

 
 

شعر : عبدالرحمن آل مغني

نشر الموضوع :

للحصول على جديد مجلة أنهآر والأخبار الأدبية :

 

إذا كنت شاعراً أو كاتياً أو أديباً
وتود نشر قصائدك أو مقالاتك و أعمالك وأخبارك الأدبية
عبر مجلة أنهآر الأدبية للوصول لشريحة مميزة من الجمهور الأدبي العربي
فراسلنا عبر البريد التالي:
anhaarcom@gmail.com
بموادك والصور الخاصة بالمواد أو
بك وسنقوم بنشرها في صفحات المجلة بعد المراجعة في أقسام المجلة .

 

إترك تعليقك

avatar
  Subscribe  
Notify of
إغلاق