فاقده صوتي معاك .
ناسيه وشلون أبدا
بالكلام ….
ذايب إحساس الأماني .
وقلبي خلاني ونام .
ومالي أي رغبه آتكلم…
وألمس جروح الخواطر
وأندفن تحت الظلام …
وأقرا وجهي بالمرايه .،
وأحبس طيوف الأماكن ..
وألقي لجفني السلام ..
فاقده وياك صوتي ..
وناسيه ايدي بإيدك ..
كان يلّهبني التساؤل
في عيونك وأشرب
الدمع .. المكحل من
جفونك ..
وأنتظرك ترد إيدي ..
وتغمس الفرحه بوريدي . …
ومر عام …
وأنا أقرا في عيونك هالتساؤل ..
ليه أحبّك .. ليه أحبّك …
ليه أنسى الكون كله واندثر
في حزن شوقك ..بتفاؤل
ورغم إنك من جليد ..
ثلّجك أحرق لي الوريد
وبردك أقسى .. فصل
في كل الحكايه …
؛
؛
؛
مالي أي رغبه آتكلم
طف لي جروحك .. بنام ..
…
الشاعرة : ندى شتاء
@shqaa2015
إترك تعليقك
كن أول من يعلّق هنا !