نبض الصورة ..

image1

 

 

الصورة مقابل الشعر ، حديث خاص بين العدسة والحرف ، تلتقي هنا ملامح الصورة مع ملامح الكلمة
ويشاركنا عدد من المبدعين الشعراء في ترجمة الصورة عبر مشاعرهم واحاسيسهم
من خلال جمال ابداعهم .. لنقرأ صياغتهم بعدسة حروفهم ..

 .
.
 .
ماكنت معشب ؟ وكان الحب مثل الحمام ؟؟
‫يطير من راحتي .. ولا يحسّ بضما !!‬
 .
‫إهجر جدار الاماني يا حمام السلام‬
‫ماعاد صدري  محطّ أحباب .. ولآ سما
 .
لـ نواف السويط 
 .
 .

…. ~✽~ ….

 .
 .
طارت اسراب الأماني حلّقت تبغى سماك
كل شيٍ في غيابك ضاع مني لا إرادي
 .
جَمّل الدنيا بوجودك هات وصلك من جفاك
كل لونٍ بالحياه بغيبك شفته رمادي
  .
لـ سهو الفهاد
 .
 .
 …. ~✽~ ….
 .
 .
طار الحمام ولا بقى غيرها حار

‏وتاهت خطاويها ترقّب مجيّه

 .
‏في عيونها باقي من غيابه اسرار
‏وفي قلبها زحمة كلام ووصيه
 .
لـ عبدالرحمن مازن 
 .
 .
 …. ~✽~ ….
 .
 .
خذ مني المرسول سرب الحمام
عش في خيالي عمر يا زاجل
 .
سلم على الغالي ورد السلام
أبيه يرجع لي خبر عاجل
 .
لـ مريم العتيبي
 .
 .
 …. ~✽~ ….
 .
 .
كأنّ الحائط [ بيانو ] عليها ينعزف مشوار :
خطاوينا .. و ننهي بُعد قتّال و نُكُون أقرَب ..
 .
و أطيّر لك من أفكاري ” نغم ” يستهوي الشعّار
و إذا هو فيك يا كلّ الحبايب كيف ما تطرَب ؟!
 .
لـ سامر العوفي
 .
 .
 …. ~✽~ ….
 .
 .
على .. جدار العمر واقف ومرتاب
تاهت عن الموعد خطاوي.. غمامه
 .
غصنك يبس ماعاد باقي بك اسراب
شف كيف هَاجرتك : حمامه حمامه
 .
لـ ماجد الشعيلي
 .
 .
 …. ~✽~ ….
 .
 .
ما عاد باقي بعينه من يرد  السلام
افكار ماتت والاخرى معه  متجوله
 .
وقف على شاطي احلامه يفك الحمام
صب انتظاره على من ترجع  الاوله
 .
لـ محسن المقاطي
 .
 .
 …. ~✽~ ….
 .
 .
وصلك سرابٍ جيت له وافكاري العطشى
اسرابها تسبق أماني وصل وافراقي
 .
يمشي الوهم لين انصدم في سوره المُنشى
ورد البصر وهو حسير مثل خفاقي
 .
لـ فهاد ونيس
 .
 .
 .
 …. ~✽~ ….
 .
 .
 .
انتهى
نشر الموضوع :
أحصل على كتاب تمارين التقسيم الصوتي

إترك تعليقك

كن أول من يعلّق هنا !

Notify of
avatar
‫wpDiscuz