الشعر الشعبي

ثار الكلام / للشاعر : سامر العوفي ..

نشر الموضوع :


image

.

إستاحش القلب من صمتي و ثار الكلام
و حْبال صوتي ( كلامي ) قطّع سْكاتها

و إذا تمرجح عليها لا نطقتك .. ملام
دلّي لـ سَمْعك معانيها و خطواتها

فيني من البوح ما غرّب لذيذ المنام
و مْن السهر ما حرم عيني ملذّاتها

و إن مرّت الذكريات و ما مضى من غرام
عرّيت بالي لـ خنجرها و طعناتها

و أستجدي الصبر يهزم عبرة الانهزام
و أشبّ طيفك بـ عيني لين يقتاتها

و أستلهمك نور ما يحجب ضياه الظلام
و يدلّ روحي ليا كثْرت متاهاتها

و كم دمعةٍ علّمتني وش يكون المقام
و إستبسلت عيني بـ تبجيل عبراتها

و كم لي و أنا آمرّ بأطلالك مرور الكرام
و آمنّي القلب : ليت الرجل ما جاتها

ما عاد يا خاطري هـ الحزْن برد و سلام
دايم دروب المحبّه ذي نهاياتها

و لو لـ الخواطر جبر ما هان كسر العظام
و لا إنتحت روحي اللي فاقده ذاتها

و إن كان ما عاد باقي للحضور إهتمام
لـ فْراقك دروب طالت بي مسافاتها

و عْتابي إن ذكّرك بـ أيّامنا قبل عام
لا ترخصين الأماني و إبتساماتها

باقي لك بقلبي المُتعب غلا و إحترام
لو غيبتك من سنه عانيت لوعاتها

و إن باحت حْروف شعري بعد صمتي ملام
عذْرك سمين إن حضنتي غُربة أصواتها

.

.

شعر : سامر العوفي

 

نشر الموضوع :
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x