الطيب / للشاعر : عبدالله المنصور ..

.

يامعيّب ( الطيب ) جعلك دوم تفدا هله
ولاهي غريبـه عليها نفسك . . ” الهافيه “

اتعيب فـي فعلهم . . . بتموت ما تفعله
اعلومهم ” غانمه ” . . . وفعولهم ” كافيه “

علم ( المراجل ) . . . فضيلـة ترفع المنزله
بالوقفـه ( الصادقه ) و النيـه ( الصافيه )

الفعل مستصعبه .. والقول .. مستسهله
يامضيّع . . ادروبهـا فـ النومـه الـدافيه

حنا ( نعرف ) الردي من ” بابـه ومنزله ”
اهل ( الردى ) …. دايماً ابيوتهم طافيه

ولّا : الكريم النشاما ،، مجلسه تدهله
اهل الكرم ” دايماً ” اضيوفهم ضافيه

يطرب على . الـ مرحبـا . يقبل وهي مقبله
من حبة ” الخشم ” لين ” الضِيفة الوافيه “

ان جيت له من وصل وان جيت من معضله
تلقى ( الرحــابه ) .. وتلقى الكلمة الشافيه

الطيب . . ماهو كلام . . الطيب بـ المرجلـه
الطيب . . يامعسره ، حتى على ” القافيه “

مادام ما تقدره ، ، و ( الـدرب ) ذا تجهله
عط روحك العافيه . . . عط روحك العافيه

.

.

شعر : عبدالله المنصور

a_mansouur@