الشعر الشعبي

من دار زايد / للشاعرة : فتاة تهامة ..

نشر الموضوع :

C__Data_Users_DefApps_AppData_INTERNETEXPLORER_Temp_Saved Images_a3lam_kuwait-flag

 

من دار (زايد) للكويت الحبيبه
اسمى التهاني للكويت وعربها

(اخوان مريم) فالليال الصعيبه
وقفاتهم كل الرجال اتحسبها

و حنا إمارات القلوب الرحيبه
ارواحنا للطيب ربي وهبها

وقفاتنا بالعز ما هي غريبه
درعٍ كفو وقت اللزوم ونشبها

درة خليج وفالشعوب العريبه
انتم وحنا فالمراجل نسبها

و يا كويت يا عز القلوب القريبه
عيدك كبير و يحفظ الله شعبها

شعبً عزيز و ماخذ اكبر نصيبه
مْن الوفا و الطاله اللي كسبها

ربع و أهل و اصحاب دايم ربيبه
بستان وارف و المحبة عنبها

و(صباح) صبحٍ كم يفك الطليبه
شيخٍ على الفتنه يطفّي حطبها

الله يحفظه للكويت الحبيبه
و شيوخنا عز البلاد و رحبها

.

شعر : فتاة تهامة

دعم المشاريع الأدبية المساهمين في دعم المشاريع الأدبية
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x