الشعر الشعبي

طيرك / للشاعرة : مهرة نجد ..

نشر الموضوع :

image

ياليتني طيرك تناديه جزام
وارف بجناحي وانا في يدينك

طيرك قواه الشوق له عدت اعوام
ارحم حبيبك دام قلبي رهينك

اخفيت جرحك في خفوقي من العام
مابيك تجرحني / وتجرح كنينك

ياليتني بنتٍ لربعك والاعمام
وامد حبل الوصل بيني وبينك

الحظ لامن قام ياصاحبي / قام
الا حظوضي ابعدت لي سنينك

وان كان ودك تحكم القلب بحكام
عطني غلا واحساس عطني حنينك

امر بيتك كل ما القلب بك / هام
واتخيلك واقف / تلوح يدينك

لكن حسافه كلها احلام بحلام
جرحتني بالصد / ياقو عينك

.

شعر : مهرة نجد

نشر الموضوع :
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x