ما يصح إلا الصحيح … / للشاعر : بدر مرضي الجابري ..

إكتب من الشعر ما يرضي غرورك

‎بس لا تغتر لوحيت المديح

‎إحمد الله وإشكره على شعورك

‎يوم ترجمته غزل وإلا مديح

‎وكون عفوي لا تكلف في حضورك

‎(والله إنه ما يصح إلا الصحيح)

‎كون ذيب الشعر لا من حان دورك

‎وإنتبه ترى العوى عكس النبيح

‎لا تخلي شوكك يشوه زهورك

‎وأنت تدري به قبيح وبه مليح

‎كل بحور الشعر بالواقع بحورك

‎إحذر إنك وسط غبتها تطيح

‎كون شاعر يرضي العالم ظهورك

‎وإلا لا تظهر وريح واستريح

شعر : بدر مرضي الجابري