الشعر الشعبي

أفكارنا … / الشاعر حمود مشعل الهاجري

نشر الموضوع :

بحضوره الجميل يهدينا الشاعر حمود الهاجري هذا النص الهلالي الأنيق … نتركه لقلوبكم

افكارنا جابت سحاب ثقيل

واليا استهل الغيم جتك تسيل

بعطيك ياللي تستمع لي وصيتي

والعلم مايوخذ بدون دليل

هذي هي الدنيا ومعروف حالها

مهما تضيق ابك الحياة تزيل

لاصرت متعافي وصحتك طيبه

وغيرك مرقد بالسرير عليل

ارفع يديك لخالقك دوم واشكره

ربك على كل العبيد وكيل

وخوض الحياه ولا اتقلّب بنيتك

كلن بهالدنيا يجيه مثيل

واحذر من الغيبه ترا النار تلتهب

وش لك بهرجن بين قال وقيل

والناس ماهي بضامنه في حياتها

كلن على الحفره يصير نزيل

يالله عساني انتفع في نصايحي

ويعم نفعه بين جيل وجيل

وتجعل ثوابه يا الهي مرد لي

يوم القيامه لي معاي حصيل



حمود مشعل الهاجري

دعم المشاريع الأدبية المساهمين في دعم المشاريع الأدبية
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x