الشعر الشعبي

غرام العمر / للشاعر : عبدالرحمن مازن العطاوي ..

نشر الموضوع :

image

 

مااشوفك الا ورى صورتك واحساسك
بـ لحق على العمر في لقياك واشوفك

اتعدني من ضمن ناسك وانا ناسك
وانا ادري انك كريم وتسمح ظروفك

يابخت من جاك صبح اعيادك وباسك
وتاهت تراحيبه ابـ وجهك وبـ وقوفك !

من سحر عينك الى رمشك الى اقواسك
وش حيّر الشعر غير الشعر في وصوفك

انا دخيلك ، وفي وجهك ، وبـ انفاسك :
لا اصير رحلة غرام العمر واطوفك !

من امن اعيش في قلبك ، ونعّاسك
من حبك وحرصك الزايد ومن خوفك

عطيتني منك قلبك واسمك وراسك
ونطقتك اكثر من اللي ينطق حروفك

يامهدي العمر كيف اصير جلاسك
واطيب ماانسى الين اموت معروفك

غنالك الشوق من فنّك .. وكراسك :
ونزفتك اللي يبيك وعاجز يشوفك !

.

شعر : عبدالرحمن مازن العطاوي

Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x