شاعرة تلامس النبض لقوة ، تسقط على روح القارئ من أعلى غيم الشعر ، تكتب لتقول كل ما نريد بهدوء ، عالمها مليئ بالجمال والأدب ، قصيدتها صديقة الإبداع ..
الشاعرة الشعر ( أشواق الخليفة ) وهدية محبة لأنهآر وقراء أنهآر … هي بين قلوبكم :
تجارب العمر ماهي للفنى يا عنود ،
لو بدفع احلام عمري للتناسي مهر ..
عدلت نومي عشان الليل مافيه فود
ما قصّرت عيني بْمشوارها في السهر
لو بيض الايام بحساب المعاناة .. سود
ما كان شفنا ( صباح الخير ) طول الدهر
مافيه داعي افصّل في التفاصيل زود
يكفيني من الحقايق ماعرفت وظَهر ..
يا مِل قلبٍ غشاه من المصايب برود
و العين ما عادها تُعجب .. ولا تنبهر ..
ليه العلاقة يُفضل لو تصير بحدود ؟
عشان ما تنتهي بكرة .. نهايةْ قهر
عشرة من العمر راحت تضحيات وعهود
كنْها بحجم النهاية .. ما تعدت شَهر .
شعر : أشواق الخليفة
