المنوعات الأدبية

أبياتكم في مجلة أنهآر …

نشر الموضوع :

إعداد – أنهآر :

ينثر الشعراء حروفهم في لحظات خاصة تترجم أحاسيس القراء .. شارك هنا بعض الأسماء في فقرة “هاتوا أبياتكم” .. والتي اخترنا منها هذا العقد :

فاطمة عبدالله :

‏‎لو يمر العمر و تطول السنين
تبقى في قلبي و لا غيرك احد
فيني طبع من الوفا و الوافيين
ما اخون الحب لو غيري جحد
مو انا اللي بس احبك ليلتين
والله ان تبقى و احبك للابد

عبدالعزيز الهاني :

‏‎من بارد اكفوفي؟…..تجي دفوة انفاس
ومن ضجة العالم؟…تجي دافي الهمس

ايه اضحكي…ثغـرك ضـيا يجلي الياس
ايه اضحكي…تشرق على بسمتك شمس

حـيّ القـبال السـمح…. ياقـبلة الـناس
بك غارسن ربـّي…قـبال الحلا غـرس

وحسّك؟ نغـم ماينسمع بسّ؟…ينباس
ووجهك؟ ليا صبّـح علي ؟..يفتح النفس

تواق :

‏‎اليوم وش تاريخه اليوم؟
هالشهر خبري به تواليه
شفت القمر باين بلا زوم
والكذب والله ما ادانيه
من شوفها ياناس محروم
انشهد ان القلب ضاميه
في طردٍ مغلّف ومختوم
وصل بيوتي بين أياديه
لاتلومني ياصاح لاتلوم
هالقلب مامثله ولافيه
مدري قمر مدري من نجوم؟
قطعة سما والورد غاطيه

ناصر بن فالح :

‏‎تغانم روحك ووفر برود الحس والترحيب
شقيّ النفس لو ماغيّر اسباب الشقى .. يشقى

اذا ماشفت قدرك في عيون اللي تحبه .. غيب
“خسارات النواقص درب للي حبّهم يبقى “

متعب بن حسين :

‏‎امْن اوّل احْدود السلام الى نهايات الْوئام
في كلّ شبْر مْن السلام اشوف امّي واقفه

على بن مهدي آل معدل :

عبداللطيف العمري :

‏‎آسف يا حلمي واعتذر لك باختصار
عما بدر من سوء فهم الاختيار

كنت احسب الفرصه مثل شمس الشروق
مع كل بيحه ينتظر مني قرار

اثره ظلالٍ قبل مايحين الغروب
مهما كبر لابد يتبعه اندثار

تاهت دوافع غايتي مثل الضرير
ماتفرق بعينه طبيعه او قفار

ملهم السلطان :

‏‎تشاكيت لكن ما تشاكيت آهاتي
تشاكيت لأرضٍ ودها مني الفكة

على ملعب سنيني تصاغرت طيحاتي
أنا اللاعب اللي ما رضى يقعد الدكة

‏‎اشهد ان الوقت يكشف صديقٍ من صديق
والصديق الجيد ما تخلفه عوج الظروف

ورجال افعال والهرج ما ينقذ غريق
والحياه دروس والقلب له عينن تشوف

كم خوياٍ بيّن الوقت ماهو به يليق
وكم غريبٍ بيّن الوقت فعله بالنكوف

والخوي اللي تعده في الشده شقيق
جربه لا حتجت حاجه ويظهر بالكشوف

صباح زيد :

‏‎لا ترتخي للحزن وتعيش مهموم
لو كان ماتلقى سوى قوت يومك

إياك تحزن في حياتك ولو يوم
الا اذا فوّت فرضك وصومك

شوباش :

‏‎أغني أبياتي على غير جمهور
وأنافس الشعار عرش السيادة
متمكن ومبدع وشاعر ومغرور
وإشادتي فيني وسام وشهادة

عبدالله المرواني :

‏‎ياليت بيديني مفاتيح الأفكار
وانقي الفكرة وانقي بحرها

واعوم في بحر المعاني وانا ختار
من دورها والغاليه في ثمنها

يزيد بن سعود :

‏‎بعض البشر لافادك بشي يذّيك
كنّه يلبسك النكاده قلايد

جيته و لوعاتك تخايل تباريك
تمطر عليك من الهموم الجدايد

لا تحدك الحاجه وتقصر خطاويك
ما للندم بعد الهقاوي فوايد

تستطيع المشاركة في أبياتك من خلال مساحة التعليق في الأسفل .

Subscribe
Notify of
guest
12 تعليقات
newest
oldest most voted
Inline Feedbacks
View all comments
احمد الخميسي
احمد الخميسي
9 days قبل قليل

لو الكرم والجّود من حاتم الطّي
ماتن وياه وما لفانه مكارم

مير الكرم موجود في راس كل حي
حاتم مثل عابر زمان الاوادم

ثابت على عزمه تعدّا كل سي
منّي شهاده له ومن كلّ غانم

الآدمي له سمعته من طوا؛ شي
ترفع مقامه في عيون المعاجم

اوّنّقص له فيتمين العرف غي
غيّب ضميره عن طريق اتّفاهم

الله خلقنا من تُراب و صفا مي
ليه الكلام اللي نورده مظالم

في ذمّتي يدليم هم حاتم الحي
زادو زياده في ضمير التّراحم

شفنا على عينك بروجن لنا في
ومارد كرمنا جا يورّد مكارم

شبل دليم احمد الخميسي

Last edited 9 days قبل قليل by احمد الخميسي
ماهر الحوام
ماهر الحوام
10 days قبل قليل

يا سكـون الليل هونك على قلبن حزين كنك اليـا جيـت تعني عليه ‘ التذكره ‘ تفتش الذكرى القديمه و تاتي بالحنين لين عيني تبعد عْن المنام .. و تنفره ادري ان هذا خطايه ” على مر السنين دربـ’ن’ اخترته محسب النهايه بعثره سافرت بي دنيتي و انتوت لـ العاشقين وفي مطـار الحب قلبي دفعته تذكره بـ البدايه : مسكني بين فـل و ياسمين اعتني بـ الوصل والهجر دايم احذره ليـن جتنـا ليلـةٍ .. مـا حسبنـاها تبين حينها بيني و بين الهجر ” دق شْعره نمتها بين الشكوك اللعينه و اليقين ماصحيت الا ودمعي على القاع انثره اتلفّت و اصفق الكف… Read more »

Last edited 10 days قبل قليل by ماهر الحوام
جهاد العطاوي
جهاد العطاوي
10 days قبل قليل

صح لسانك ي بطل

ماهر الحوام
ماهر الحوام
10 days قبل قليل

صح بدنك يالامير

Anonymous
Anonymous
10 days قبل قليل

تم.

وجدي المحضار
وجدي المحضار
10 days قبل قليل

قد كنت في صغري مريّح ومرتاح
‏مدري عن الدنيا ولا ادري عن الوقت

لاهمّني وقتي ولا كسب الارباح
اكبر طموحاتي من النوم لا فقت

ليت العمر وقّف على سلم وافراح
وايّامنا تبقى من السبت للسبت

اعيش في صغري على هزل وامزاح
العب بساعة وان زعل صاحبي قمت

واعيش يومي بين ساري ومسراح
اضحك على المزحة ولاعمري اشتقت

كبرت ياقلبي عسى ايامك اصحاح
عساك ع القوّة عسى فالك البخت

فهد جمعان
فهد جمعان
10 days قبل قليل

يا رب ياوالي عليك اتكالي
في يسر ولا عسر ولا طواري

لا صار همي والحزن راسمالي
مخضع لغيرك في حياتي وداري

والي مقدر واقعن لا محالي
لو عشت في سما وقلب الصحاري

بمشي على هديك يعالم بحالي
وان تهت في ممشاي صحح مساري

العمر بالحسنه والدهر زوالي
يا حظ من هو في حياته يداري

ام مه وابوه قبل كل الغوالي
هم رأس ماله ودهم ما يجاري

والرزق مقسوم على كل حالي
واللي حياته في همومن كباري

يسجد لربه في سجودن مثالي
يدعيه سبحانه على كل طاري

فهد جمعان

زر الذهاب إلى الأعلى
12
0
Would love your thoughts, please comment.x
()
x