الرئيسية / مجلة أنهآر الأدبية / الشعر الشعبي / شجاعة حب … / للشاعر محمد بن سفيان – قطر

شجاعة حب … / للشاعر محمد بن سفيان – قطر

image

الكثره الي صيتها واصل الصين
ما حركت شعره براس الشجاعه
 
يا كثرها كلمات حبي من سنين
يا مشجع الفرقا بكلمة وداعه
 
راح الذي قربه يساوي ملايين
ناهيك طيبه والجمال وطباعه
 
ما كان لي وياه في الصدر قلبين
كنا نعيش بقلب واحد جماعه
 
لين الزمن اصدر علينا قوانين
اهل الزمن يابون الا استماعه
 
ماهو كفايه بالادله حديثين
يبغونها بالكيف لو بالاشاعه
 
والي يبي يمشي على ساحل الدين
ماله نصيب بخير بحره وقاعه
 
ركعه نقيه تنقبل يا مصلين
هذا طموحي جعل موتي بطاعه
 
والا حياتي ضايعه بيني وبين
هم الفراق وضيقته وانطباعه
 
غنى الفراق بداخلي عذب صوتين
صوت الحزن غلفه صوت الفجاعه
 
ليه الحسد واهله عدو المحبين
من سبّته نزّل حبيبي شراعه
 
اسهل ترى تفسير ضحك المجانين
من تعرية حاسد بوجه القناعه
 
جوع الوصل كافر يعذب خفوقين
وينه زمنْك الي بيشبع جياعه
 
يا منتظر تدخل بسن الثلاثين
مليون شخص يموت في كل ساعه
 
حدد خيارك في حياتك من الحين
اما شجاعة حب او هي قطاعه
 

شعر : محمد بن سفيان
– قطر

نشر الموضوع :
أحصل على كتاب تمارين التقسيم الصوتي

عن anhaar magazine

شاهد أيضاً

مشكلة وحل : حبسة الكتابة أو حبسة الكاتب …

عزيزنا الزائر   ،   هذه الصفحات خاصة بالمشتركين في مجلة أنهآر الأدبية .   …

إترك تعليقك

كن أول من يعلّق هنا !

Notify of
avatar
‫wpDiscuz