الشعر الشعبي

يا ليت لي قدره / شعر :. وداد

نشر الموضوع :

.

وداد ، شاعرة تحترف رسم الأحساس بألوان من الشعر . تحكي بأسلوبها تفاصيل نبضها ..

نقرأها في هذا الحضور الأول في مجلة أنهآر ..

ياليت لي قدرة على بوحي وابوح
لولا سكوتي ما ذبل وجهي قهر
اوحت حواسي من بغى عنّه اروح
يحرم علي قربه ولو مدّ العشر

ماني سهل طبعي مكابر ما أنوح
صعبه مراسي من قبل لا نستمر
تُعطى الشدايد مثلها جامح وروح
تؤتى على قدرك على نفس القدر

فنظر موالينك ترى قصدى وضوح
انظر مياديني وعينك تنكسر
ماني بحاجة شي يعلي لي صروح
كلي شواهق كل خُطا دربي خطر

الكلمه اللي ساقها تمشي سفوح
توقف على بابي ولا ممكن تُمر
ربك خلق وجهي كذا هادي سموح
يشرق على الدنيا وقلبٍ من طهر

ماهم سوا ناسٍ تجي والا تروح
واحد له الوجهه وباقيهم ممر
ياما بتفقدني وكل ذكرى تلوح
بين السوالف والاغاني والصور

فيّ انعكاسات المدى كلي وضوح
لكن عليّ المغفرة وانت الصبر
خذ قلبك ومن وينما ودّه يروح
ماعاد يعنيني ولا يترك آثر

قلبي معي بمشي يناديني طموح
اذكر كلامي لك تمعّن هالشطر
والله وحق قدري وحق جاه الجروح
انّي فرح مرّه يساوي هالعمر

.

شعر : وداد

.

.

نشر الموضوع :
Subscribe
Notify of
guest
2 تعليقات
newest
oldest most voted
Inline Feedbacks
View all comments
Jewell
Jewell
1 الشهر قبل قليل

والله وحق قدري وحق جاه الجروح
انّي فرح مرّه يساوي هالعمر

صح لسانك وبوحك ابيات قريبه من القلب ولا هو غريب عليك هالإبداع

noor
noor
1 الشهر قبل قليل

كل شطر احلى من الثاني، قصيدة جداً جميله وقريبه من القلب، موفقه استاذه وداد.

زر الذهاب إلى الأعلى
2
0
Would love your thoughts, please comment.x
()
x