الشعر الشعبي

الدنيا / للشاعر : مشعل مرزوق الصواغ ..

نشر الموضوع :

IMG-20150819-WA0004

قصيدة مجاراة لأبيات الشاعر طلال الصواغ يشكو فيها تغير بعض الناس .

لاتحسب إن الوقت يمضي على الجود
ولا تامن الدنيا وتركض وراها

فكر ودقق ورافق الناس بحدود
وخل الزمن يرفع ويكشف غطاها

ورافق خوي الطيب يا طيب العود
خوة أهل المعروف كلن بغاها

لا جيتهم ضايق ومن الوقت مضدود
يمد لك يمناه وعينه وماها

واترك ردي النفس مايرجع بفود
تراه حيه تقرص اللي وطاها

معه طريقك دايم الدوم مسدود
كنه سحابة صيف تطرد وراها

ودمح خطا الطيب وبذل له بزود
صنايع المعروف كلن هواها

وستر عيوب الناس لاشفت منقود
ترى الستر سلعه كسب من شراها

وضحك بوجه الناس تراك محمود
وسلك دروب الخير ومشي معاها

وخلك بهالدنيا على كف بارود
لا تغرك الدنيا وتتبع خطاها

إذا صفت لك جاتك سهود ومهود
مثل السحاب اللي يشوقك حياها

وإن دبرتلك جاتك أيامها سود
باحت سرايرها وبيّن خفاها

كم فاقدن منى غدا اليوم مفقود
قضى حياته دالهن في غواها

وأفنا سنينه بين طارد ومطرود
ومرت عليه بسوها ما وعاها

خلك تقي النفس وللرب معبود
ولا تمشي بنفسك على مشتهاها

شعر : مشعل مرزوق الصواغ

دعم المشاريع الأدبية المساهمين في دعم المشاريع الأدبية
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x