الشعر الشعبي

فقدة الخلّان / للشاعر : عبدالله آل عفيفه ..

نشر الموضوع :

image

عسى الله يعين اللي شكى فقدة الخلاّن
يجاهد عيونه لين ما سال مدمعها

تنّحت به أقداره وذاق العذاب ألوان
وكلّ المواجع داخل الصدر مرتعها

يكابد حمولٍ شالها من على الأمتان
حمولٍ تكود اللي من الوقت رافعها

على اللي جفى قلبي وروّح وآنا ولهان
وقّفى وكبدي واهج النار يلسعها

جفاني وأنا دمعي على غيبته ودّان
وذابت جفون العين من حر ما أوجعها

لفيت المكان ورحت من ديرته وجعان
وتضيق الدروب اللي معه كان ما أوسعها

عذابي وموتي لا طرالي رفيع الشان
خطيرٍ على ضلوعي ​‏​‏​‏​‏​‏​‏​‏​‏​‏​‏​من الصدر ينزعها

حسين الوصايف والبلا عوده الريان
يميل بخطاه وميلته ما تصنّعها

طويل المعنّق ضامرٍ ما سواه أنسان
وسلهامت أعيونه برت حال تابعها

عليه البيوت أفلّها وأحبْك القيفان
ولجله بنات الفكر تِعلن تواضعها

أحبه ولا أبغضته وله فالخفوق أركان
محبّه وعشق وشوق فالقلب طابعها

أنا حالفٍ ما أنساه وأرحل مع النسيان
ما دام الفتى بالخير نفسه يصارعها

وأنا مستحيل أنساه وأن فارق الأوطان
ما دام البدو تفرح بشوفة مرابعها

عليه أن رجع ما يشكي الهم والأحزان
وعلي بالحرام أنه بقربي يضيعها

شعر : عبدالله آل عفيفه

نشر الموضوع :

سين جيم

  • أسئلة وإجابات في الوزن والقافية والتقسيم الصوتي . إعداد : فيحان الصواغ
  • 9 February، 2018

مقالات ذات صلة

إترك تعليقك

كن أول من يعلّق هنا !

avatar
  Subscribe  
Notify of
إغلاق