..
إعداد – سراب الهاجري :
.
.
ضفيتنا شاعرة من الأسماء الرائعة في تقديم الكلمة بأسلوب متفرّد ..
[ سين صاد ] شاعرة تتحدث لغة الشعر بطريقتها الخاصة،
تأتي محملة بالاحساس والشعر ، هنا تنثر بوحها في مجلة أنهآر الأدبية ،
هنا يكون للشعر طعم آخر ..
.
.
.
بعض القصايد حزْنها .. هاادي ..
يستدعي احساسك وحبر وشمْع !
.
و اللي حزِنْها : حييل متمااادي ؛
ما تُكتب الّا من ” مدااد الدّمْع “!
.
.
~✽~
.
.
بعيداً عن : أبيك / وعن رحلت لوين
أبسأل نبض قلبك في فراقي حَس ؟!
,
انا وربّي بعَد بُعدك .. لحدّ الحين :
من اللهفة افزّ بْـ طاري اسْمك بَس !!
.
.
~✽~
.
.
يتفاخر بنفسه – الى حدّ الغرق –
و ما ملّ يحكي عن جدوده مِلئ فيه
.
يَ ابن آادم الله خالقك والله فَرَق ..
” لا تفتخر في شيّ مالك يدّ فيه ” !.
.
.
~✽~
.
تغض العطف عن قلبي وانا محتاج
و تغرس في تراتيل الشّعِر غصّه ~
.
و انادي والدّموع بْمحجري أفوااج ؛
: دخيلك ردّ لي قلبي ، و لو نِصّـه !!
.
.
~✽~
.
.
حكايتنا / مثل ما قالها درويش :
‘ تأخّر موتنا وكان الفراق اولى ‘
.
أنا احسبْنا نموت بحبنا و نعيش
يَ لولا انّك تخيّرت الجفا .. لولا !
.
.
~✽~
.
.
فيني وَجع يووسع ضواحي مدينة !!
و آحسّ ضلع الصَّبر فيني تكسّر ..
و آحسّ ضلع الصَّبر فيني تكسّر ..
,
طبطب عَلَيْ محتااج احسّ بسكينة !
و اتلو عليّ مْن الذّكِر ما تَيسّر .. ~
.
.
~✽~
.
.
اردّد : ما بقى أسهل ..
واصبّرني :على هوني”
واصبّرني :على هوني”
,
عدو المرء ما يجهل “!
؛ لذا قفّوا / وعادوني ~
.
.
~✽~
.
.
تبي تعرف سبب حزني وسرّه ؟
و ليه اوجاعي بْصدري تبيّت ؟!
و ليه اوجاعي بْصدري تبيّت ؟!
,
لأنك في العمُر .. مِقدار : مَرّة ؛
و شوقي لك مثِل شوقي لـميّت !
.
.
~✽~
.
.
يَ يمّه حييل انا أتبعثر .. على حزنك
.. و وحدك داايم بعييينك .. تلمّيني ~
.
يضيق الكون فيني : ما عدا حضنك ،
دخيلك .. افتحي يْدينك / و ضمّيني !
.
.
~✽~
.
لو ‘ نبض قلبك ‘ من عناه اتْنكّد ،
اِتْذكّر انْ جسمك مُعافى و ارضى !
.
و مهما قست هذي الحياه اتأكّد :
ما فيه اقسى من شعوور المرضى !
.
.
~✽~
.
.
إذا زاد الوَجع و الياس ؛
و صار احساسه بْـ دمّي ؛
..
أحبّ اسمع هموم النّاس
عشان يهووون لي همّي !
.
.
~✽~
.
.
الحبّ لو قد صال بالقلب أو جال
واستحوذ مْن البنت : لهفة كبيرة !
.
ما يغنِي عن حبّ الأبو أي رجّال ؛
لو كان أخ او زوج ، او كان غيره !
…
.
.
.
.
هنا حساب الشاعرة [ سين صاد ] على تويتر :
( sen_9ad@ )
.
.
وإلى شاعر مغرّد آخر ..
|
للحصول على جديد مجلة أنهآر والأخبار الأدبية : |
|
إذا كنت شاعراً أو كاتياً أو أديباً |
إترك تعليقك