الشعر الشعبي
أخر الأخبار

إذا الهجز عزّم / شعر: محمد أحمد الرياحي

نشر الموضوع :


إذا الهجر عزَّمْ ويَبَّسْ لك الراس
لا تحرم المفجوع نظرة وداعه
تحوفك عيونه كما حوف حراس
إن قلت أو ما قلت سمعٍ وطاعه 
لاتقوم مستعجل والأحباب جلاس
ما قصرت فرقى من الوصل ساعه
وإن طالت الغيبة وجيناك بنعاس
مرنا ولو بالطيف عقب القطاعه
وإذا الصبر سلم دخيليه للياس
ليتك بدر فالليل ضافي شعاعه
عساك تذكرنا مع زحمة الناس
وإن تقبل التذكار عندك شفاعه
أشهرت من بعدك من الناس الإفلاس
وإن كان لي مال ٍ وحولي جماعه 
وإذا ثِمَرْ غصنك والعروق يِبَّاس
تذكر اللي ما فطم من رضاعه
اللي أبد ما قرب دروب الأنجاس
ولا له بسوق الغش حظ وبضاعه
 عطيت حكمك دون رحمة أو إحساس
ولا عطيته فرصته في دفاعه
وقضَّى الليالي يصفق أخماس بأسداس
صفق ٍ يصحي الميت ويعاف قاعه
حظه من المحبوب حبرٍ وقرطاس
ما كل صيد ٍ ينكسب بالشجاعه 
شعر : محمد أحمد الرياحي
نشر الموضوع :
Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x