الشعر الشعبي
أخر الأخبار

عطرك الغاوي / شعر : عاتقة ..

نشر الموضوع :

 

عاتقة و بحصورها الأول في مجلة أنهآر وهذا النص الأنيق شعرا وإحساساً ..
نقرأها بهدوء 

هو بقى فيني شعورٍ ما بكاك
او بقى شعرٍ كتبته ما يبيك !

اخلف خطاه لطريقٍ ما لقاك
ويخلف وعوده ويرجع يلتقيك

كل ما فيني رحل منّي وجاك
مبعدٍ عني وقلبي يرتجيك

العروق الي تزاحم من غلاك
كيف بقنعها وانا الميت عليك

اروي الذكرى على هذا وذاك
كل طيفٍ ارتمي بحضنه وأجيك !

عطرك الغاوي يذكرني لقاك
والمكان الي جمعني يوم فيك

حتى صوتي خابره ! صوتي هذاك
ما عرف ينطق سوى كلمة ابيك

مدّ لي وصلك وكلي لك فداك
وين ما وجهتني طوع ليديك

لو تبي عيني ابد آمر وهاك
ارخص الغالي لعينك واشتريك

من عنا الدنيا ابتذرى ذراك
عطني ما تقدر و ما جادت يديك

قالوا بتنسى عيونٍ ما تراك
الا انا باقي احبك واحتريك ..

 

شعر : عاتقة

Subscribe
Notify of
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x