الشعر الشعبي

لا تردين الزيارة / شعر : نواف التركي

نشر الموضوع :

شاعر يعيد حضوره في كل وقت ,
نقرأ هذا النص المتجدد للشاعر الشعر نواف التركي .

لاتردين الزياره ..
لاتجيني ..
ما بقى بي قلب يستاهل حنينك ..
لاتجيني ..
لو تشوفيني على أرصفة الشوارع ..
إتركيني ..
أتسكّع في ممرات المدينة .. قلب ضايع ..
وتلّقفني عيون الناس وتفتش ملامح وجهي وتقفي حزينه ..
كثّر الله خير قلبك ..
لاتجيني ..

مو رخيصه ..
لا وربي..
كنتي أصدق من عرف قلبي وحبّه ..
كنتي أوفى العابرين من الأحبه ..
آه يا أنتي ..
صار أسمك في حديث القلب كنتي ..
وآنا مليت أتعلّق في ضمير الغايبين ..
وإتعداني السنين ..
غيبي أكثر ..
غيبي أكثر..
لإنك أقرب من قلوب الناس وأبعدهم مسافه ..
ياحسافه ..
مثل طعم الآه كنتي ..
لاتردين الزياره ..

ردّي لنفس الطريق اللي بديتي به غيابك ..
آنا مو محتاج عطفك ..
كثّر الله خير قلبك ..
كان من ذوقك ولطفك ..
بس أنا محتاج أكثر ..
من مجرد جبر خاطر ..
( لو ) تردين الزياره ..

آنا محتاج لعمر ثاني أعيشه ..
شي أكثر من زياره ..
آنا محتاج لكثير ..
حتى لو قلبك كبير ..
آنا يا جرحي الجميل ..
باقي بعمري قليل ..
صدقيني ..
كنت أغرّد خارج أسراب الطيور ..
كانت الأيام بور ..
وكنت أكابر..
وآتقاوا ..
وآتهاوا ..
وآتهاوا ..
وآتهاوا ..
لين طحت ومالقيتك ..
كنت والله ..
أيه وربي ..
كنت محتاجك كثير ..
ما ذكرتي ..
وش كثر مني زعلتي ..
وش كثر رحتي وجيتك ..
ما ذكرتي !!
كنت محتاجك صحيح ..
كنت انادي لك وأطيح ..
كثّر الله خير قلبك ..
أنا مومحتاج عطفك ..
لا تجين ..
لا تردين الزياره ..

 

شعر : نواف التركي 

نشر الموضوع :

للحصول على جديد مجلة أنهآر والأخبار الأدبية :

 

إذا كنت شاعراً أو كاتياً أو أديباً
وتود نشر قصائدك أو مقالاتك و أعمالك وأخبارك الأدبية
عبر مجلة أنهآر الأدبية للوصول لشريحة مميزة من الجمهور الأدبي العربي
فراسلنا عبر البريد التالي:
anhaarcom@gmail.com
بموادك والصور الخاصة بالمواد أو
بك وسنقوم بنشرها في صفحات المجلة بعد المراجعة في أقسام المجلة .

 

الوسوم

1
إترك تعليقك

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
الخطيب الشرباصى Recent comment authors
  Subscribe  
newest oldest most voted
Notify of
الخطيب الشرباصى
ضيف
الخطيب الشرباصى

برجاء بالنسبه لمحاولتى الشعريه غيمه ماء أرجوا أبداء رأيكم فيها هل هى محاوله جيده،

زر الذهاب إلى الأعلى
إغلاق